У Мінску ўпершыню публічна станцуюць супраць гвалту

2020 2020-02-12T16:55:42+0300 2020-02-12T16:55:43+0300 be http://spring96.org/files/images/sources/one_billion_2020_.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

14 лютага ў 19.00 на першым узроўні Гандлёвага цэнтра "Сталіца" адбудзецца танцавальны флэшмоб супраць гвалту над жанчынамі One Billion Rising.

Міжнародная акцыя праходзіць у Мінску з 2016 года, і толькі ў гэтым годзе арганізатаркам ўдалося атрымаць дазвол на яе правядзенне ў публічным месцы. У мінулым годзе флэшмоб планавалі правесці ў ТРЦ ​​"Dana Mall", але мерапрыемства не ўдалося ўзгадніць з гарадскімі ўладамі.

У гэтым годзе да флэш-мобу могуць далучыцца ўсе жадаючыя. Вывучыць рухі і пазнаёміцца ​​з удзельніцамі можна на рэпетыцыі, якая пройдзе 12 лютага з 18.30 у Галерэі Ў (вул. Кастрычніцкая, 19). Неабходная рэгістрацыя на акцыю і рэпетыцыю.

Калі ў вас не будзе магчымасці прыняць удзел у рэпетыцыі, можна развучыць танец па відэа. Таксама да танцавальнага флэш-мобу можна далучыцца анлайн – выкладвайце фота або відэа, як вы танцуеце, у сацсетках з хэштэгам #onebillionrising2020.

Арганізаваў у гэтым годзе танцавальны флэшмоб "Цэнтр па прасоўванні правоў жанчын - Яе права".

One Billion Rising (Адзін мільярд паўсталых) – міжнародная танцавальная кампанія, закліканая звярнуць увагу на праблему гендэрнага гвалту. Па статыстыцы ААН, кожная трэцяя жанчына хоць раз у жыцці сутыкаецца з сэксуальным або фізічным гвалтам. Гэта прыкладна адзін мільярд жанчын ва ўсім свеце. Акцыя стартавала ў 2012 годзе, і з гэтага часу да яе далучыліся жанчыны больш чым з 200 краінаў.

ГУУС забараніла танцавальны флэшмоб за мір без гвалту ў 2019 годзе

У Дзень святога Валянціна ў ТРЦ ​​Dana Mall у Мінску планавалася правядзенне сусветнага флэшмобу за мір без гвалту - One Billion Rising. Але ён не пройдзе - у ГУУС акцыю забаранілі.

Апошнія навіны

Партнёрства

Сяброўства