Пракурор запрасіў смяротнае пакаранне дваім абвінавачаным у забойстве настаўніцы
Дом забітай настаўніцы ў Чэрыкаве. Фота TUT.BY
У Чэрыкаве працягваецца суд па забойстве настаўніцы і падпале яе дома. На лаве падсудных - два браты, якія жылі па суседстве з забітай, пішуць naviny.by.
Пракурор запрасіў для іх вышэйшую меру пакарання 8 студзеня. Абвінавачаныя выступяць з апошнім словам 9 студзеня.
Дом Наталлі гарэў рана раніцай 10 красавіка мінулага года. Пажар патушылі і выявілі цела 47-гадовай жанчыны са шматлікімі нажавымі раненнямі. З дому знік кампутар, які выявілі ў хаце па суседстве, у дваіх братоў. Іх затрымалі па падазрэнні ў забойстве, і яны прызналіся, што забойства і падпал - іх рук справа.
Паводле папярэдняй інфармацыі, паміж братамі і іх былой настаўніцай быў канфлікт. Як паведамлялі сілавікі, жанчына распавяла праваахоўнікам, што сястра братоў не выконвае належным чынам свае бацькоўскія абавязкі - маладая жанчына знаходзілася ў адпачынку па даглядзе за дзіцём. З-за гэтага сям'ю паставілі на прафілактычны ўлік як сям'ю, што знаходзіцца ў сацыяльна небяспечным становішчы.
Прысуд братам будзе агучаны Магілёўскім абласным судом на выязным пасяджэнні ў будынку суда Чэрыкаўскага раёна 10 студзеня 2020 года 14.00.
Беларусь застаецца адзінай у Еўропе і СНД дзяржавай, дзе ўжываецца смяротнае пакаранне. З 1990 года ў Беларусі было расстраляна больш за 400 асуджаных да вышэйшай меры пакарання. За ўвесь гэты час быў памілаваны толькі адзін чалавек.
Мінск гатовы абмяркоўваць з Еўропай праблему смяротнага пакарання. Але не гатовы яе вырашаць
