На віцебскіх участках вывесілі новыя пратаколы
Як паведамляе назіральніца кампаніі "Праваабаронцы за свабодныя выбары" Ірына Траццякова, на пяці выбарчых участках, размешчаных у сярэдняй школе №45 г. Віцебска, камісіі за 13 лістапада склалі пратаколы, у якіх сумавалі яўку выбаршчыкаў за два дні датэрміновага галасавання.
Цікава, што дырэктарам гэтай школы з'яўляецца Таццяна Аўтухова, якая вылучана кандыдаткай у дэпутаты па Віцебскай-Чкалаўскай акрузе №18 ад працоўнага калектыва і шляхам збору подпісаў выбаршчыкаў.
Учасковыя камісіі №№ 54, 55, 56, 65 і 70 раніцай 14 лістапада вырашалі, што трэба зрабіць, как выправіць сітуацыю з "неправільнымі" лічбамі, тэлефанавалі ў вышэйстаячыя камісіі. Праз некаторы час пратаколы ўсё ж перапісалі.
Пры гэтым, у прыватнасці на ўчастку №65 лічбы па падліку выбаршчыкаў усё адно не супадаюць: назіральніца налічыла за ўчорашні дзень 85 чалавек, а члены камісіі падвысілі колькасць да 94 чалавек.
"Праваабаронцы за свабодныя выбары"
Навіны кампаніі ў фэйсбуку, твітэры і на Тэлеграм-канале
