Крывая росту ўдзельнікаў датэрміновага галасавання імкнецца ўгару
Цэнтральная выбарчая камісія падлічыла колькасць выбаршчыкаў, якія атрымалі бюлетэні ў першы дзень датэрміновага галасавання на выбарах у Палату прадстаўнікоў Нацыянальнага сходу. У працэнтных суадносінах да агульнай колькасці выбаршчыкаў, якія былі ўключаныя ў спісы для галасавання гэта складае 4,69%.
Найбольшую колькасць бюлетэняў атрымалі жыхары Віцебскай вобласці - 5,52%, найменшую - Гродзенскай - 3,68%.
Пра што сведчаць гэтыя лічбы?
Журналіст Паўлюк Быкоўскі супаставіў яе з аналагічнымі дадзенымі за 2016 год, калі праводзіліся папярэднія парламенцкія выбары. Тады ў першы дзень галасавання бюлютэні атрымалі 3.92% выбарцаў. Рост складае 0.77%
Аднак агулам у датэрміновым галасаванні на парламенцкіх выбарах 2016 года ўзялі ўдзел 31,29 % выбарцаў – гэта болей, чым на папярэдніх парламенцкіх выбарах 2012 г. (25,9%).
Пры такой дынаміцы на выбарах 2019 года папярэдні рэкорд датэрміновага галасавання можа быць пабіты.
“Праваабаронцы за свабодныя выбары”
Навіны кампаніі ў фэйсбуку, твітэры і на Тэлеграм-канале
