Гомель: кандыдат ад АГП збіраецца сыходзіць з выбараў
Кандыдат у дэпутаты па Гомельскай-Сельмашаўскай акрузе №32 ад АГП Уладзімір Кацора заявіў пад час пікету, што збіраецца здымаць сваю кандыдатуру з выбараў.
У Гомелі 11 лістапада адбыўся пікет у падтрымку апазіцыйных кандыдатаў у дэпутаты. Асноўны пасыл мерапрыемства – адсутнасць у Беларусі сумленных выбараў і свабоды слова.
Давераная асоба кандыдата Уладзіміра Няпомняшчых Васіль Палякоў паведаміў Беларускаму Радыё Рацыя, што правакацый падчас пікету практычна не было.
– Нейкі незразумелы хлопец нешта крычаў, але яго асадзілі, і ён кудысьці ўцёк. Даволі добразычлівая атмасфера. Каля ўнівермага “Гомель” праходзіць мітынг у падтрымку кандыдатаў ад правацэнтрысцкай кааліцыі – гэта Уладзімір Няпомняшчых, Уладзімір Кацора, Ягор Грышановіч, Таццяна Канеўская.
Адзін з прысутных на пікеце кандыдатаў у дэпутаты – Уладзімір Кацора – збіраецца здымаць сваю кандыдатуру з выбараў.
“Праваабаронцы за свабодныя выбары”.
Навіны кампаніі ў фэйсбуку, твітэры і на Тэлеграм-канале
