Рэсацыялізацыя зняволеных: падводныя камяні гуманізацыі сістэмы выканання пакаранняў Дапоўнена

2019 2019-09-20T10:33:55+0300 2019-09-20T11:52:45+0300 be http://spring96.org/files/images/sources/bdc-daklad-2019.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

"Правы зняволеных. Гуманізацыя сістэмы выканання пакаранняў Беларусі "- круглы стол пад такой не зусім звычайнай для Беларусі назвай правёў Беларускі дакументацыйны цэнтр у рамках грамадскай кампаніі «Вярнуць чалавека» 19 верасня.

У мерапрыемстве прынялі ўдзел вядучыя эксперты, юрысты і праваабаронцы ў сферы рэсацыялізацыі былых асуджаных і гуманізацыі ўмоваў адбыцця пакарання, а таксама былыя асуджаныя Станіслаў Цыбінскі і Дзяніс Барсукоў.

З уступным словам выступіла кіраўнік «Беларускага дакументацыйнага цэнтра» Раіса Міхайлоўская. Яна распавяла аб грамадскай кампаніі "Вярнуць чалавека", закліканай павысіць дасведчанасць грамадскасці аб праблемах у месцах пазбаўлення волі і накіраванай на паляпшэнне ўмоў утрымання асуджаных і прадухіленне парушэння сваіх правоў, стварэнне ўмоў для хутчэйшага ўключэння былых асуджаных у грамадства.

Доля рэцыдыўнай злачыннасці ў Беларусі па наяўных дадзеных за 2018 год складае прыблізна 38%. Гэтая даволі трывожная лічба, на якую ўплывае цэлы комплекс праблем, адна з якіх - гуманізацыя ўмоваў адбыцця пакарання, што ў сваю чаргу ўплывае і на рэсацыялізацыю былых асуджаных у грамадстве. Менавіта гэтай тэме была прысвечана выступленне прадстаўніка сацыяльна-інфармацыйнай установы «ТаймАкт» Васіля Завадскага.

Раіса Міхайлоўская, кіраўніца БДЦ.
Раіса Міхайлоўская, кіраўніца БДЦ.

З прапановамі па ўдасканаленні грамадскага кантролю за месцамі несвабоды выступіла юрыст БДЦ Таццяна Агеева.

Юрыст Праваабарончага цэнтра "Вясна" Павел Сапелка спыніўся на тэме стварэння прававых гарантый для падтрымання сямейных i iншых карысных сацыяльных сувязяў, як асновы для паспяховай рэсацыялізацыі былых зняволеных.

Размова таксама ішла аб аналізе нацыянальнага заканадаўства і пра Міжнародныя стандарты правоў чалавека, звязаных з выкананнем пакарання і абыходжаннем з асуджанымі, і іх імплементацыі ў Рэспубліцы Беларусь, у тым ліку аб Мінімальных стандартных правілах ААН у дачыненні да абыходжання з зняволенымі.

Станіслаў Цыбінскі, які пасля вызвалення з-за кратаў адчуў на сабе ўсе цяжкасці, звязаныя з вяртаннем да паўнавартаснай жыцця і змог іх пераадолець, падзяліўся сваім няпростым вопытам аб тым, як былым асуджаным ўліцца ў грамадства.

На завяршэнне круглага стала адбыўся абмен меркаваннем і дыскусія па агучаных вышэй актуальных пытаннях.


Даследванні “Беларускага дакументацыйнага цэнтра” па тэме:

Рэспубліка Беларусь: рэсацыялізацыі зняволеных і вызвалення з месцаў пазбаўлення волi.

Вярнуць чалавека: заканадаўства, міжнародныя стандарты і грамадскі кантроль. Прапановы па ўдасканаленні заканадаўства Рэспублікі Беларусь і праваўжывальнай практыкі, звязаныя з выкананнем пакарання і зваротам з асуджанымі.

Апошнія навіны

Партнёрства

Сяброўства