Берасцейца, брутальна затрыманага на вачах у сына, пакаралі штрафам за хуліганства

2019 2019-05-10T07:48:49+0300 2019-05-15T18:01:16+0300 be http://spring96.org/files/images/sources/shavialenkau.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Віталь Шавяленкаў.

Віталь Шавяленкаў.

3 сутак арышту і дзве базавыя велічыні штрафу. Так скончылася гісторыя з нядзельным затрыманнем Віталя Шавяленкава.

5 траўня Віталя на вачах у малалетняга сына жорстка затрымлівалі аж шасцёра супрацоўнікаў міліцыі. Чым жа правініўся Віталь перад праваахоўнымі органамі? 

Як распавёў Віталь “Берасцейскай Вясне”, у адну з нядзель ён праходзіў па плошчы Леніна падчас кармлення галубоў і ўбачыў,  што яго запісвае на відэакамеру супрацоўнік міліцыі ў цывільным. Віталь папрасіў "ціхара" сцерці відэа з iм. Але атрымаў адмову. Менавіта гэты факт інкрымінавалі Віталю як дробнае хуліганства, за што прадугледжана адміністрацыйная адказнасць.

Віталь не разумее, навошта яго трэба было затрымліваць падобным чынам, ды яшчэ на вачах у дзіцяці, навошта пазбаўляць волі і садзіць у ІЧУ?

Дарэчы, у ІЧУ Віталю спадабалася – ён адпачыў ад тэлефона і перачытаў Булгакава. З харчаваннем таксама ўсё было ў парадку – сваякі і неабыякавыя грамадзяне перадалі Віталю ўсё, што трэба. 8 траўня намеснік начальніка Ленінскага РАУС Мікалай Самасюк прызнаў Віталя вінаватым у адміністрацыйным правапарушэнні, прадугледжаным артыкулам 17. 1 КаАП РБ і аштрафаваў яго двума базавымі велічынямі штрафу. 


  Навіны ад Spring96.org у Telegram. Падпішыся на наш канал https://t.me/viasna96

Апошнія навіны

Партнёрства

Сяброўства