Дзярждэп ЗША праінфармаваў аб парушэннях правоў чалавека ў Беларусі

2019 2019-03-14T17:08:14+0300 2019-03-14T17:08:13+0300 be http://spring96.org/files/images/sources/us-dept-of-state.png Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Бюро па пытаннях дэмакратыі, правоў чалавека і працоўных адносінаў Дзярждэпартамента ЗША апублікавала даклад пра захаванне правоў чалавека ў 2018 годзе ў шэрагу краін свету, уключаючы Беларусь.

Справаздача складаецца з некалькіх раздзелаў, якія апісваюць парушэнні ў дачыненні да забеспячэння недатыкальнасці асобы, захавання грамадзянскіх свабодаў, свабоды ўдзелу ў палітычным працэсе, карупцыі і адсутнасці празрыстасці ва ўрадзе, дыскрымінацыі, працоўных правоў і іншыя парушэнні.

Ацэньваючы стаўленне ўрада да міжнародных і няўрадавых расследаванняў меркаваных парушэнняў правоў чалавека, аўтары дакладу паказваюць, што ў 2018 годзе ўлады Беларусі варожа ставіліся да дзейнасці мясцовых няўрадавых арганізацый, абмяжоўвалі іх дзейнасць, выбарачна супрацоўнічалі з імі і пакідалі іх меркаванне без належнай увагі. Урад ігнараваў даклады праваабарончых НДА і згаджаўся сустрэцца толькі з зарэгістраванымі арганізацыямі.

Дзяржаўныя СМІ рэдка паведамлялі пра праваабарончыя НДА і іх дзейнасці.

У ліку парушэнняў правоў чалавека ў даклад увайшло некалькі выпадкаў затрымання назіральнікаў за ходам мірных сходаў Праваабарончага цэнтра "Вясна". Дакумент таксама змяшчае заявы праваабарончых арганізацый - Праваабарончага цэнтра "Вясна" і БХК - аб выніках мясцовых выбараў.

У заключэнне, эксперты падкрэсліваюць, што у 2018 годзе ў Беларусі парушэнні правоў чалавека ўключалі:

  • катаванні;
  • адвольныя арышты і затрыманні;
  • умовы ўтрымання ў месцах пазбаўлення волі, што пагражаюць жыццю;
  • адвольныя або незаконныя замахі на недатыкальнасць жылля;
  • неабгрунтаваныя абмежаванні на свабоду выказвання меркаванняў, працу СМІ і Інтэрнэт, у тым ліку цэнзура, блакаванне сайтаў і крымінальныя пераследы за паклёп і абразу службовых асобаў;
  • затрыманні журналістаў і прымяненне супраць іх гвалту;
  • жорсткія абмежаванні на свабоду сходаў і асацыяцый, у тым ліку шляхам увядзення крымінальнай адказнасці за заклікі да мірных сходаў і законау, якія забараняюць дзейнасць і фінансаванне незарэгістраваных арганізацый;
  • абмежаванні на свабоду перамяшчэння, у прыватнасці былых палітычных зняволеных, чые грамадзянскія правы застаюцца ў значнай ступені абмежаванымі;
  • няздольнасць расследаваць даўнія выпадкі палітычна матываваных знікненняў людзей;
  • абмежаванні на ўдзел у палітычным жыцці, карупцыя ва ўсіх галінах улады;
  • паведамленні пра прымус жанчын рабіць аборты;
  • гандаль людзьмі.

Улады на ўсіх узроўнях дзейнічалі беспакарана і не змаглі прыняць меры да судовага пераследу або пакарання службовых асобаў ва ўрадзе або супрацоўнікаў спецслужбаў, якія парушылі правы чалавека.

Апошнія навіны

Партнёрства

Сяброўства