ГУУС забараніла танцавальны флэшмоб за мір без гвалту
- Банэр забароненага танцавальнага флэшмобу One Billion Rising
Як паведамляе CityDog.by, у Дзень святога Валянціна ў ТРЦ Dana Mall у Мінску планавалася правядзенне сусветнага флэшмобу за мір без гвалту - One Billion Rising. Але ён не пройдзе - у ГУУС акцыю забаранілі.
«Нам патэлефанаваў маёр з ГУУС Мінгарвыканкама і сказаў, што ўбачыў навіну аб нашым флэшмобе ў СМІ, - кажуць арганізатаркі. - Таму ён расцаніў наш узгоднены з ТРЦ Dana Mall флэшмоб як масавае мерапрыемства.
Узгадніць танцавальны флэшмоб у Мінгарвыканкаме ў кароткія тэрміны мы таксама не змаглі, таму што рэальны тэрмін ўзгаднення - 15 дзён.
Але ТРЦ Dana Mall падтрымаў рух і прапанаваў перанесці танцавальны флэшмоб у 300 чалавек бліжэй да 8 сакавіка, каб правесці ўсе афіцыйна! Таму патанчыць ў начным гандлёвым цэнтры ў мінчан і мінчанак усё ж такі атрымаецца!»
Чым заняцца да 8 сакавіка?
Арганізатаркі прапануюць танцаваць дома, на працы ці проста фатаграфавацца з паднятай уверх рукой і паказальным пальцам (характэрны жэст флэшмобу), а зробленыя фота і відэа выкладваць у сацыяльныя сеткі з хэштэгам # onebillionrisingby2019.
- Ілюстрацыйнае фота
І не забудзьцеся падпісаць петыцыю. Бо тое, што Беларусі патрэбен закон аб супрацьдзеянні хатняму гвалту, відавочна.
Што гэта за акцыя і чаму яна так папулярная?
Кожная трэцяя жанчына на працягу жыцця становіцца ахвярай згвалтавання або сутыкаецца з жорсткім абыходжаннем - гэта больш за 1 мільярд жанчын і дзяўчынак. А кожная другая жанчына ў Беларусі падвяргаецца гвалту ў сям'і.
14 лютага - Дзень усіх закаханых - не выключэнне, у гэты дзень гвалт не спыняецца, а, на жаль праяўляецца часцей. Мэта кампаніі - прыцягнуць увагу як мага большай колькасці людзей і паказаць, што насілле - гэта ненармальна.
У гэты ж дзень па ўсім свеце пройдзе больш за 13 000 мерапрыемстваў, бо One Billion Rising - танцавальная кампанія, якая аб'ядноўвае 190 краін свету.
Навіны ад Spring96.org у Telegram. Падпішыся на наш канал https://t.me/viasna96
