Аршанскаму сябру КХП-БНФ Юрасю Конышку прысуджаны штраф у 20 базавых велічыняў за арганізацыю пікету амаль гадавой даўніны.

2003 2003-12-23T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Судовы працэс доўжыўся амаль увесь гэты год: нагадаем, што спадар Конышка быў адным з арганізатараў пікету, які прайшоў у Воршы 11 студзеня. Паводле заявы міліцыянтаў, зьмест выкарыстаных у часе акцыі плякатаў абразіў гонар ды годнасьць Аляксандра Лукашэнкі. Жыхару Воршы Юрасю Конышку прысуджаны штраф памерам 20 базавых велічыняў, што складае 330 тысяч беларускіх рублёў. Яшчэ двое арганізатараў пікету, праведзенага ў Воршы 11 студзеня гэтага году, былі пакараныя 6 месяцаў таму.

За выкарыстаньне ў часе акцыі плякату “Лукашызм зьнішчае Беларусь” Яўгеніі Казловай ды Ўладзімеру Карабанаву былі прысуджаныя такія самыя грашовыя штрафы. Праўда, на той час памер базавай велічыні быў меншы, і 20 базавых велічыняў складалі ўсяго 288 тысяч беларускіх рублёў.

Прыцягнуць да суду спадара Конышку на той час не ўдалося: ён быў судовым заседацелем і не падлягаў адміністратыўнай адказнасьці без адпаведнае санкцыі абласнога савету. 5 верасьня гэтага году ў часе чарговага пасяджэньня аблсавету спадара Конышку пазбавілі ягонае засядальніцкае недатыкальнасьці, што сталася штуршком да працягу судовага працэсу. Сёньня судзьдзя Аршанскага гарадзкога суду Ігар Калесьнік яго завяршыў.
Паводле Радыё Свабода

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international