Вярхоўны суд разгледзіць апеляцыйныя скаргі асуджаных да вышэйшай меры

2017 2017-10-17T12:20:58+0300 2017-10-17T12:25:29+0300 be http://spring96.org/files/images/sources/viarhouny_sud.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Вярхоўны суд Беларусі.

Вярхоўны суд Беларусі.

У Вярхоўным судзе на 15 снежня прызначаны разгляд апеляцыйных скаргаў Сямёна Беражнова і Ігара Гершанкова, якія асуджаныя да смяротнага пакарання.

Пра гэта каардынатару кампаніі “Праваабаронцы супраць смяротнага пакарання ў Беларусі” Андрэю Палудзе паведамілі сваякі асуджаных.

21 ліпеня калегія па крымінальных справах Магілёўскага абласнога суда вынесла прысуды группе асобаў, якія з 2009 па 2015 гг. займаліся афёрамі з чужой  нерухомасцю, пры гэтым забіваючы уладальнікаў кватэр. Усяго па справе праходзіла чатыры чалавекі, дваіх з іх – 31-гадовага Сямёна Беражнова і 36-гадовага Ігара Гершанкова – асудзілі да вышэйшай меры пакарання.

Усіх чатырох абвінавацілі адразу па некалькіх артыкулах Крымінальнага кодэксу: забойства, выкраданне чалавека, махлярства, разбой, вымагальніцтва, крадзеж, знішчэнне і падробка дакументаў. Ігара Гершанкова і яго жонку Таццяну Гершанкову дадаткова абвінавацілі ў незаконным абароце наркотыкаў або псіхатропаў. Судом было ўстаноўлена, што злачынная група агулам зарабіла на махінацыях з чужым жыллём больш за 2 мільярды недамінаваных рублёў.

Па звестках праваабаронцаў, у Мінскім СІЗА №1 зараз чакаюць выканання прысуду жыхар Мазыра Кірыл Казачок і жыхар Нароўлі Аляксей Міхаленя.

Ад пачатку  2017 года адзін прысуд быў прыведзены ў выкананне. Гамяльчанін Сяргей Вострыкаў, скаргу якога Вярхоўны суд пакінуў без задавальнення, растраляны ў другой палове красавіка.

Апошнія навіны

Партнёрства

Сяброўства