viasna on patreon

Разам зменім ўмовы ўтрымання адміністрацыйна арыштаваных!

2017 2017-05-24T12:27:37+0300 2017-05-24T12:32:05+0300 be https://spring96.org/files/images/sources/turemnaja_kamera.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Фота: bigpicture.ru

Фота: bigpicture.ru

Ініцыятыва «Праваабаронцы супраць катаванняў»  і Праваабарончы цэнтр "Вясна"  праводзілі маніторынгі адбыцця адміністрацыйнага арышту. Вынікі паказалі, што існуюць пэўныя праблемы - праблема прыёму перадач толькі ад сваякоў, адсутнасць адзінага графіка прыёму перадач у розных установах адбыцця арышту, адсутнасць у агульным доступе інфармацыі аб адрасах ізалятараў часовага ўтрымання (ІЧУ), іх начальнікаў, часу асабістых прыёмаў, а гэтак жа недахоп альбо адсутнасць супрацоўнікаў-жанчын у месцах адбыцця жанчынамі адміністрацыйных арыштаў.

Сузаснавальніца ініцыятывы "Праваабаронцы супраць катаванняў" Эніра Браніцкая падрыхтавала калектыўны зварот з просьбай:

1) Выключыць з п. 47 Правілаў унутранага распарадку месцаў адбыцця адміністрацыйнага арышту, зацверджаных Пастановай Міністэрства ўнутраных спраў Рэспублікі Беларусь ад 2015/10/20 № 313 дзесяты абзац, які ўстанаўлівае, што перадача не прымаецца і вяртаецца наведвальніку ў выпадку адсутнасці дазволу начальніка месца адбыцця адміністрацыйнага арышту на ўручэнне адміністрацыйна арыштаванаму перадачы, якая перадаецца асобай, якая не з'яўляецца для адміністрацыйна арыштаванага блізкім сваяком.

2) Вырашыць пытанне аб штодзённым (без выхадных) прыёме прадуктовых перадач асобам, якiя адбываюць адміністрацыйны арышт.

3) Размясціць на сайце УУС аблвыканкамаў інфармацыю пра месцы знаходжання ІЧУ, абслугоўваемай тэрыторыі, графіках працы і асабістага прыёму кіраўніцтвам, нумарах тэлефонаў, графіку і парадку прыёму прадуктовых перадач, спатканнях і г.д., прадубляваць гэтую інфармацыю на інфармацыйных стэндах падведамных АУС.

4) Заканадаўча замацаваць норму, якая ўсталёўвае ўскладанне нагляду за арыштаванымі жанчынамі толькі супрацоўнікамі жаночага полу.

Калектыўны зварот будзе накіраваны ў Міністэрства ўнутраных спраў Рэспублікі Беларусь 26 чэрвеня ў Міжнародны дзень падтрымкі ахвяраў катаванняў.

Падпісаць зварот можна на сайце http://zvarot.by/ 

Для таго, каб падтрымаць Кампанію запоўніце калі ласка абавязковыя палі і націсніце «Адправіць».

Апошнія навіны

Партнёрства

Сяброўства