Налёт невядомых на сядзібу ў Стаўрах

На славутую сядзібу ў Стаўрах Аршанскага раёна, якую трымае грамадскі дзеяч Ігар Грышанаў, 7 сакавіка ажыццявілі напад невядомыя асобы. Пра гэта стала вядома з паведамлення мясцовай актывісткі.

Невядомыя ўзламалі замкі і патрапілі ў памяшканне. Зніклі толькі дакументы, якія тычыліся грамадскай дзейнасці актывіста. Падрабязнасці высвятляюцца.

Радыё Свабода ўдакладняе: "85-гадовая маці Ігара заўважыла святло ў памяшканні, пачала грукацца ў дзверы. Невядомыя ўцяклі. Нападнікі ўзламалі замкі, трапілі ў памяшканне. Яны ўзламалі сейф і забралі дзве папкі з дакументамі, а таксама 15 звычайных лыжачак. Міліцыянты прыехалі толькі а 16-й гадзіне. Яны сказалі, што не выявілі адбіткаў пальцаў, таму не гарантавалі, што знойдуць зламыснікаў".