Міністэрства абароны своеасабліва адказвае на калектыўны зварот грамадзян наконт дзедаўшчыны – бэсціць праз «Беларускую ваенную газету» праваабаронцу Леаніда Судаленку

2016 2016-03-23T14:34:58+0300 2016-03-23T14:35:05+0300 be http://spring96.org/files/images/sources/sudalenka-leanid.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Праваабаронца Леанід Судаленка

Праваабаронца Леанід Судаленка

На сайце zwarot.by быў размешчаны зварот да Міністэрства абароны, які падпісалі каля сотні грамадзян Беларусі, з патрабаваннем разабрацца з выпадкамі дзедаўшчыны ў войску і пакараць вінаватых. Гаворка ідзе пра выпадак у адной з воінскіх частак у Брэсце, калі салдаты, з якіх чынілі здзек «дзяды», збівалі іх і патрабавалі грошы, вымушаныя былі збегчы з часткі. Выпадак стаў вядомы грамадскасці дзякуючы СМІ. Абураныя грамадзяне, маючы на гэта поўнае права, запатрабавалі праз калектыўны зварот ад Міністэрства абароны справаздачы: як кіраўніцтва разабралася ў сітуацыі, ці пакарала вінаватых, ці будзе спынена, урэшце, заганная практыка дзедаўшчыны, якую часам пакрываюць камандзіры і не нясуць за гэта адказнасці.
Адказ на калектыўны зварот грамадзяне так і не атрымалі, што з'яўляецца парушэннем заканадаўства. Затое «Беларуская ваенная газета» рашуча выступіла супраць... не, не дзедаўшчыны, а ініцыятара звароту – праваабаронцы Леаніда Судаленкі.
«Каму выгадна ганьбіць беларускае войска?» - задаецца пытаннем у загалоўку артыкула выданне.
Напэўна, тым, хто пакрывае дзедаўшчыну, хто спрыяе ёй? Не, аказваецца. Гэта выгадна праваабаронцу, які, дарэчы, сам у свой час адслужыў у войску, старэйшы сын якога таксама прайшоў «школу жыцця», а зараз служыць і другі сын.
Тых, хто ўвогуле абмяркоўвае дзедаўшчыну, «БВГ» называе «зграяй крумкачоў, якія з карканнем уздымаюцца ўвысь, бударажаць наваколлі». Аўтар артыкулу, Уладзімір Кажэўнікаў, запрашае чытачоў прыгледзецца да «дробных сеткавых правакатараў», якія «хочуць напаскудзіць ваенным чыноўнікам», дзейнічаюць па дурасці і не ўсведамляюць, што «шкодзяць дзяржаве, войску».
Аўтар артыкулу выкарыстоўвае тыповыя прыёмы маніпуляцый і спосабаў адвесці ўвагу: піша пра ЗША, дзе па яго словах, праблема дзедаўшчыны стаіць так востра, як нідзе. У амерыканскім войску, па яго словах – п'янства, наркотыкі і забойствы на гэтай глебе.
«Здавалася б, далей з нагоды брэсцкага інцыдэнту і абмяркоўваць няма чаго. Цяпер кропку ў справе паставіць суд. Але не тут-то было: у Гомелі аб'явіўся нейкі праваабаронца Леанід Судаленка, гэтакі самаабвешчаны «амбудсмен», асоба ў пэўных колах вядомая < > Гэтаму спадару не ўпершыню ціснуць на дзяржаўныя органы аж праз Арганізацыю Аб'яднаных Нацый, праз яе Камітэт па правах чалавека», - піша Уладзімір Кажэўнікаў.
Па яго словах, праваабаронца, які рыхтуе скаргі ў Камітэт ААН, «ганьбіць сваю краіну». Узгадваючы зварот у Міністэрства абароны, аўтар нават «задумаўся»: «а ці цвярозы быў Судаленка, калі пісаў і заяўляў такое?».
Далей аўтар артыкулу прайшоўся па сайце «Беларускі партызан», упікнуўшы яго стваральнікаў і аўтараў у нейкім замежным буйным фінансаванні, і прыйшоўшы да глыбокай высновы, што працу сайту аплачвае той, каму «выгадна ганьбіць беларускія Ўзброеныя Сілы». Аказваецца, сервер, на якім размешчаны сайт, знаходзіцца ў Аўстраліі, і адтуль «даверлівым беларускім інтэрнэт-карыстальнікам кожны дзень спрытна прамываюць мазгі».

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international