На месцы распаўсюду незалежных СМІ зрабілі пандус, карыстацца якім немагчыма (фота)

2015 2015-12-14T18:39:31+0300 2015-12-14T18:39:31+0300 be http://spring96.org/files/images/sources/hamajda-barys-pandus.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Аднак гэтым пандусам не зможа скарыстацца чалавек у інвалідным вазку, кажа віцяблянін Барыс Хамайда. Ён не выключае, што такім чынам было вырашана пазбавіцца ад ягонай прысутнасці.

Ужо не адно дзесяцігоддзе Барыс Хамайда распаўсюджвае газеты і часопісы каля так званага "Сінягя дому" – дому №28 па вуліцы Леніна ў Віцебску. Ён уладкоўваецца пад бел-чырвона-белым парасонам недалёка ад уваходу ў харчовую краму гандлёвай сеткі "Веста". Колькі дзён таму якраз на тым месцы, дзе актывіст звычайна ставіць своё столік і раскладае незалежныя выданні, вырашылі зрабіць пандус.

"Пандус ужо зрабілі. Тамсама зрабілі і новыя парэнчы. Але ўсё зроблена так, што ніводзін інвалідны вазок па гэтым пандусе ў краму не заедзе: з абодвух бакоў дзвярэй прымацаваны ліхтары, якія перагароджваюць дарогу. Дык навошта рабіць прыладу, якой людзі не змогуць скарыстацца? Навошта марнаваць грошы і высілкі? Застаецца рабіць высновы, што хтосьці даў загад "пасунуць" мяне, выціснуўшы з таго месца, дзе я сустракаўся з гараджанамі яшчэ з 1990-х гадоў! Інакш – гэта поўная бязглуздзіца і здзек над людзьмі з абмежаванымі магчымасцямі," – кажа Барыс Хамайда.

Сыходзіць з "працоўнага месца" актывіст не збіраецца. Уладкавацца з газетамі і часопісамі ён вырашыў у кутку паміж парэнчамі – тут ён не замінае мінакам, і землякі па-ранейшаму змогуць знайсці яго каля "сіняга дому".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international