Журналіст Уладзімір Лапцэвіч падаў наглядную скаргу ў Вярхоўны суд

2015 2015-08-05T12:51:37+0300 2015-08-05T12:51:37+0300 be http://spring96.org/files/images/sources/lapcevich-uladzimir-magileu.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У кастрычніку 2014 журналіста перасталі пускаць на пасяджэнні абласнога Савета дэпутатаў. Падчас асабістага прыёму старшыня АнатольІсачанка заявіў Лапцэвічу, што доступ яму абмежавалі з-за адсутнасці ў «спісах запрошаных».

БелаПАН - адно з найбуйнейшых інфармацыйных агенцтваў Рэспублікі Беларусь, мае шырокую сетку журналістаў і афіцыйную рэгістрацыю.

Калі 24 лістапада журналіст зноў паспрабаваў трапіць на пазачарговую сесію Савета, яму ізноў адмовілі, матываваўшы гэта адсутнасцю ўвышэйзгаданых «спісах». Зрабіў гэта галоўны спецыяліст аблсавету Яўген Нальгачоў, на дзеянні якога Лапцэвіч напісаў скаргу ў кнізе заўваг і прапаноў. АнатольІсачанка парушэнняў у паводзінах свайго калегі не выявіў.

Тады журналіст вырашыў звярнуцца ў суд. Аднак і Ленінскі раённы суд, і ў наступным судовая калегія па грамадзянскіх справах Магілёўскага абласнога суда адмовіліся задаволіць скаргу. Старшыня Магілёўскага абласнога суда таксама стаў на бок адказчыка. Пасля гэтага Уладзімір Лапцэвіч накіраваў скаргу ў Вярхоўны суд.

У ей журналіст звяртае ўвагу на тое, што ні адзін з нарматыўных прававых актаў Рэспублікі Беларусь не забараняе прысутнічаць на пасяджэннях Савета дэпутатаў. Больш за тое, як журналіст, ён, па законе «Аб сродках масавай інфармацыі», мае права збіраць, запытваць і атрымліваць інфармацыю з дзяржаўных органаў, ад палітычных партый, іншых грамадскіх аб'яднанняў, іншых юрыдычных асоб, а таксама захоўваць і распаўсюджваць інфармацыю, неабходную для ажыццяўлення яго прафесійнай дзейнасці, а таксама прысутнічаць у парадку, вызначаным заканадаўствам Рэспублікі Беларусь, у раёнах узброеных канфліктаў ці надзвычайных сітуацый, на масавых мерапрыемствах, у месцах іншых грамадска важных падзей і перадаваць адтуль інфармацыю.

Журналіст просіць адмяніць рашэнні суда Ленінскага раёна і судовай калегіі па грамадзянскіх справах Магілёўскага аблсуда, а таксама прызнаць дзеянні старшыні аблсавету дэпутатаў Анатоля Ісачанкіі галоўнага спецыяліста ЯўгенаНальгачова супрацьпраўнымі.

"Магілёўская Вясна"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international