У Брэсце на чыгуначным вакзале міліцыя затрымала актывістку АГП

2015 2015-07-23T11:11:03+0300 2015-07-23T11:11:03+0300 be http://spring96.org/files/images/sources/litvinchuk-alina.jpg
Аліна Літвінчук

Аліна Літвінчук

Аліна Літвінчук везла з Мінска пасведчанні сябраў ініцыятыўнай групы Анатоля Лябедзькі.

Пачатак збору подпісаў у падтрымку вылучэння кандыдатаў у прэзідэнты ў Брэсце пачаўся з затрымання. Раніцай 23 ліпеня на чыгуначным вакзале "Брэст-Цэнтральны" міліцыянеры затрымалі актывістку Аб'яднанай грамадзянскай партыі Аліну Літвінчук. Пры сабе дзеўчына мела больш за 100 пасведчанняў сябраў ініцыятыўнай групы Анатоля Лябедзькі.

Пра гэта Еўрарадыё распавёў намеснік старшыні АГП Уладзімір Вуек:

"Сёння пачатак збору подпісаў. Мы планавалі правесці ў горадзе шэраг пікетаў, але ў 7.50 каля вагона, з якога выходзіла Аліна, да яе падышлі супрацоўнікі Ленінскага РАУС. Яны не прадставіліся, паведамілі толькі, што яна затрыманая і будзе дастаўлена ў пастарунак для тлумачэння сітуацыі".

Зараз Аліна Літвінчук знаходзіцца ў Ленінскім РАУС г. Брэста. Па папярэдняй інфармацыі, на яе складаюцца адразу 2 адміністратыўныя пратаколы. Праўда, у чым вінавацяць сяброўку АГП, пакуль невядома.

Па словах Вуека, каардынатары ініцыятыўнай групы паведамілі пра інцыдэнт у ЦВК. Там паабяцалі разабрацца, але ў выпадку, калі ў дзеяннях затрыманай сапраўды няма складу правапарушэння.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international