Жыхара Брэста, абвінавачанага ў паклёпе на Лукашэнку, адправілі ў "Навінкі"

2015 2015-04-09T09:53:09+0300 2015-04-09T09:53:09+0300 be http://spring96.org/files/images/sources/lukashevich-2.jpg
Міхаил Лукашэвіч.

Міхаил Лукашэвіч.

Брэстаўчаніна Міхаіла Лукашэвіча, абвінавачанага ў паклёпе на кіраніка дзяржавы, адправілі ў "Навінкі" на псіхіятрычную экспертызу. Пра яго знаходжанне ў Рэспубліканскім навукова-практычным цэнтры псіхічнага здароўя Еўрарадыё паведаміў праваабаронца Уладзімір Вялічкін.

Паводле яго слоў, каля тыдня ён не мог звязацца з Лукашэвічам. Тады ён звярнуўся да следчых, якія займаюцца справай брэстаўчаніна. Падчас тэлефоннай размовы і стала вядомае месцазнаходжанне мужчыны.

У Брэсце распачатая крымінальная справа за паклёп на кіраўніка дзяржавы

Нагадаем, што крымінальную справу ў дачыненні Міхаіла Лукашэвіча распачалі ў снежні 2014 года. Нагодай сталі самаробныя транспаранты, з якіх 63-гадовы брэстаўчанін літаральна пабудаваў плот у сваім доме. Яны ўтрымлівалі крытыку як дзейнай, так і колішняй савецкай улады. У некаторых надпісах згадвалася прозвішча Лукашэнка.

"Нягледзячы на тое, што ён замаляваў абразлівыя, на думку следства, выказванні, яго адправілі на абследаванне ў "Навінкі". Следчая кажа, што ён добраахвотна туды паехаў. Спадзяюся, што гэта сапраўды так, але здзіўляе, што ён не паведаміў пра гэта", — распавядае Еўрарадыё Вялічкін.

Лёс Лукашэвіча вырашыцца па выніках экспертызы. За паклёп на кіраўніка дзяржавы можа пагражаць да 4 гадоў пазбаўлення волі. У выпадку, калі мужчыну прызнаюць псіхічна хворым, яго чакае перспектыва ізаляцыі ад грамадства і прымусовае лячэнне на тэрмін да 2 гадоў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international