Алеся Дзянісава выклікаюць у міліцыю

2015 2015-03-30T12:23:47+0300 2015-03-30T12:23:47+0300 be http://spring96.org/files/images/sources/ales-dzjanisau1.jpg
Журналіст Алесь Дзянісаў

Журналіст Алесь Дзянісаў

Гарадзенскі журналіст-фрылансер Алесь Дзянісаў арымаў 30 сакавіка пратакол. Ён абвінавачваецца па арт. 22.9 ч.2 КаАП – “незаконны выраб і распаўсюд прадукцыі СМІ”. Яго і яшчэ аднаго гарадзенскага журналіста Алеся Кіркевіча абвінавачваюць у тым, што яны зрабілі для  тэлеканала “Белсат” відэасюжэт пра выставу слуцкіх паясоў у Гарадзенскім музеі гісторыі рэлігіі.

Паводле журналістаў, у матэрыялах праверкі ёсць скрыншоты з сайта. Таксама з іх вынікае, што супрацоўніцу музея Галіну Хімко, якая фігуруе ў сюжэце, выклікалі на гутарку ў КДБ і ў міліцыю для апазнання журналістаў па фотаздымках. Алесь Дзянісаў не пагадзіўся з пратаколам, што складзены на яго супрацоўнікам міліцыі: – Я не пагадзіўся з тым, што напісана ў пратаколе. А напісана ў ім, што я браў інтэрв’ю. Калі на тое пайшло, то я аператар, я здымаў, нават рота не адкрываў. Па-другое, там напісана, што я займаўся вырабам і распаўсюдам матэрыялу. Я не сродак масавай інфармацыі і не маю ніякага дачынення да сайта ці канала. Таму я сам не магу гэты матэрыял зрабіць. Бо каб яго зрабіць, трэба яго змантаваць, агучыць, выставіць на сайце, даць у эфір і г.д. А я гэтага ўсяго не магу рабіць, бо не з’яўляюся прадстаўніком канала.

Па словах журналіста, міліцыянты паведамілі, што справа будзе хутка перададзена ў суд Ленінскага раёна Гародні.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international