Баранавічы: пяты год Статкевіч-старэйшы адзначае свой Дзень народзінаў без сына Мікалая

2015 2015-01-19T21:59:41+0300 2015-01-19T21:59:41+0300 be http://spring96.org/files/images/sources/statkev-backa.gif Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Баранавіцкія праваабаронцы і грамадскія актывісты 19 студзеня наведалі Статкевіча Віктара Паўлавіча,бацькупалітвязня Мікалая Статкевіча, каб павіншаваць яго з 88-годдзем.

Па словах грамадскага актывіста Віктара Сырыцы, Статкевіч-старэйшы вось ужо пяты год запар адзначае свой Дзень народзінаў без сына Мікалая і па-ранейшаму вельмі перажывае за яго цяперашні і асабліва далейшы лёс. Ён не верыць у датэрміновае вызваленне Мікалая і з хваляваннем чакае 2016 год, калі павінен быць вызвалены яго сын.

– Мы традыцыйна гаворым пра лёсы іншых палітзняволеных краіны, вайну ва Украіне, грамадска-палітычнае жыццё, чытаем навагоднія і калядныя адказы і віншаванні Мікалая Статкевіча. Заўсёды на развітанне госці кажуць словы падзякі і падтрымкі Статкевічу-старэйшаму за выхаванне мужнага сына і кожны раз выказваюць надзею на яго магчымаевызваленнеў выніку неверагодных абставін, – кажа Віктар Сырыца.

Мікалай Статкевіч, кандыдат у прэзідэнты на выбарах 2010 года, асуджаны па артыкулу аб масавых беспарадках на 6 гадоў пазбаўлення волі за ўдзел у дэманстрацыі пратэсту супраць фальсіфікацыі выбараў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international