Гродна: касацыйныя скаргі Вольгі Крапоцінай і Уладзіміра Хільмановіча не задаволены

2014 2014-12-16T12:32:06+0300 2014-12-16T12:32:06+0300 be http://spring96.org/files/images/sources/grodzenski-sud-ablasny.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

16 снежня ў Гродзенскім абласным судзе прайшоў разгляд касацыйных скаргаў грамадскай актывісткі Вольгі Крапоцінай і праваабаронцы і публіцыста Уладзіміра Хільмановіча.

Разгляд скаргі Вольгі Крапоцінай вёў суддзя А. Козел. Гэта доўжылася каля трох хвілін, пасля чаго суддзя падтрымаў рашэнне суда Ленінскага раёна. Крапоціна была затрыманая 19 верасня з улёткамі ў падтрымку Украіны, а 18 лістапада суддзя Ленінскага раённага суду Дзмітрый Бубенчык па абвінавачанні ў “неазконным вырабе і распаўсюдзе друкаванай прадукцыі” аштрафаваў грамадскую актывістку на 30 базавых велічынь.

Скаргу на рашэнне суддзі Алены Пятровай, аштрафавала Уладзіміра Хільмановіча на 35 базавых велічыняў па абвінавачанні ва ўдзеле ў несанкцыянаваным мерапрыемстве ў Свіслачы 26 кастрычніка, разглядаў суддзя Мікалай Рачынскі. Хільмановіч у сваё скарзе і непасрэдна ў абласным судзе даказваў, што ніякіх доказаў пра тое, што ён здзейсніў адміністрацыйнае правапарушэнне ў Свіслачы, у матэрыялах справы няма. Больш таго, усе сведкі пацвердзілі, што парушэння грамадскага парадку не было. Па-сутнасці, да вялікага штрафу Уладзімір Хільмановіч быў асуджаны толькі з-за факту прысутнасці ў той дзень у Свіслачы. Аднак, выслухаўшы Хільмановіча, суддзя не ўзяў пад увагу ніякія аргументы і скаргу не задаволіў. Суддзя Мікалай Рачынскі асудзіў у ліпені 2006 году да турэмнага зняволення Мікалая Аўтуховіча. У 2012 годзе ён разглядаў касацыйную скаргу аштрафаванага грамадскага актывіста са Свіслачы Юрыя Глебіка і таксама яе не задаволіў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international