У Менску абмеркавалі пасьпяховыя рэгіянальныя грамадзкія практыкі 2014 году

2014 2014-11-17T19:38:00+0300 2014-12-11T14:44:21+0300 be

14 лістапада ў Менску адбыўся круглы стол “Пасьпяховыя рэгіянальныя грамадзкія практыкі 2014 году: абмен досьведам і шляхі імплемэнтацыі”, зладжаны Асамблеяй НДА Беларусі з мэтай абмену рэкамэндацыямі паміж актывістамі беларускіх НДА.

У мерапрыемстве прынялі ўдзел 15 прадстаўнікоў найбольш актыўных рэгіянальных камандаў з Воршы, Магілёву, Гомеля, Лепеля, Баранавічаў, Берасьця, Вялейкі, Слуцку і Менску.

Удзельнікі круглага стала актыўна абмяркоўвалі выступы калегаў, задавалі пытаньні героям грамадзкіх акцыяў 2014 году, абменьваліся кантактамі.

Падводзячы вынікі, прысутныя падзякавалі Асамблеі НДА за непасрэдную сустрэчу з арганізатарамі карысных грамадзкіх справаў і магчымасьць пачуць зь першых вуснаў, як можна дасягнуць посьпеху ў неспрыяльных беларускіх умовах. Паводле меркаваньняў удзельнікаў, праведзены круглы стол дазволіў параўнаць дзейнасьць, якую яны праводзяць у сваіх рэгіёнах — зь іншымі.

Падчас падвядзеньня вынікаў таксама ўзнікла ідэя пераймаць досьвед рэгіянальных культурніцкіх фэстываляў: “Дранік-фэсту” у Магілёве, “Фэсту Развадоўскага” ў Баранавічах і Мсьціслаўскага фэсту. Такія падзеі гуртуюць мясцовыя супольнасці вакол важных гістарычных падзеяў, дапамагаюць усьведамляць адметнасьць свайго краю ды ўзмацняюць гарызантальныя сувязі паміж людзьмі ў рэгіёнах.

Рэкамэндацыі для актывістаў НДА, агучаныя на круглым стале “Пасьпяховыя рэгіянальныя грамадзкія практыкі 2014 году: абмен досьведам і шляхі імплемэнтацыі”

Трэба шукаць новых лідэраў і новыя твары для кожнай кампаніі.

Варта імкнуцца мець сваё памяшканьне, якое дапамагае людзям гуртаваццца і праводзіць мерапрыемствы легальна.

Выданьне якаснай сучаснай інфармацыйнай прадукцыі павышае імідж НДА.

Збор подпісаў і пэтыцыі застаюцца важнымі і даступнымі сродкамі дзейнасьці для НДА. Рэгіянальным актывістам варта таксама актыўна карыстацца электроннымі зваротамі.

СМІ і сацыяльныя мэдыя

Варта клапаціцца пра свой вобраз у мэдыях і ў сацыяльных сетках.

Неабходна найперш працаваць зь мясцовай прэсай, а не арыентавацца на тое, каб навіны пра вашу дзейнасьць траплялі ў нацыянальныя мэдыя.

Публікацыя аб вашай дзейнасьці на старонках дзяржаўнай прэсы часта дазваляе зьнізіць недавер да дзейнасьці НДА.

Праца зь мясцовым насельніцтвам

Варта інфармаваць мясцовых людзей пра кампаніі і імпрэзы на ўсіх этапах іх ажыцьцяўленьня.

Неабходна прыцягваць да сваёй дзейнасьці, перадусім, мясцовых жыхароў, а ня толькі актыўных грамадзянаў.

Трэба інфармаваць людзей ня толькі аб праблемах, але і акцэнтаваць увагу на пасьпяховых прыкладах іх вырашэньня.

Уласным прыкладам паказваць стваральную працу (праводзіць талокі па прыборцы або добраўпарадкаваньні, а ня толькі патрабаваць гэтага ад мясцовых уладаў).

Супраца зь мясцовымі ўладамі

Менш крытыкаваць (лепей нікога не крытыкаваць увогуле) — болей рабіць.

Дасылаць інфармацыю аб існых праблемах у выглядзе копіяў апублікаваных у СМІ артыкулаў ня толькі мясцовым жыхарам, але і ўладам.

Тэкст цалкам+фота

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international