У дачыненні да Андрэя Мялешкі завялі трэцюю адміністрацыйную справу

2014 2014-11-14T11:11:26+0300 2014-11-14T11:11:26+0300 be http://spring96.org/files/images/sources/mialeshka-andrej-grodna-2.jpg
Андрэй Мялешка

Андрэй Мялешка

Міліцыя прыходзіла да яго ў кватэру, каб узяць тлумачэнні наконт інтэрв'ю месячнай даўніны для “Беларускага Радыё Рацыя”.

Мялешку 13 лістапада патэлефанавалі з Ленінскага РАУС Гродна і сказалі, што ў дачыненні да яго заведзена новая адміністрацыйная справа па арт. 22.9 ч. 2 КаАП (“незаконы выраб і распаўсюд прадукцыі СМІ”).Яго хацелі выклікаць у пастарунак, каб узяць тлумачэнні з нагоды інтэрв'ю з прафесарам гродзенскага ўніверсітэта Валерам Чарапіцам, але журналіст запатрабаваў афіцыйнай позвы.

Каля 16.30 прэс-служба ГА “БАЖ” патэлефанавала Андрэю Мялешку, але ён сказаў, што не можа размаўляць, бо ў яго кватэры знаходзіцца міліцыя.

Як высветлілася пазней, журналіста наведалі старшы лейтэнант аддзелу аховы правапарадку і прафілактыкі Ленінскага РАУС Войцешка і прапаршчык Грынь, каб узяць тлумачэнні. "У мяне пыталіся, ці браў я ў прафесара Чарапіцы інтэрв'ю, калі гэта было, чым я займаюся, дзе працую... Яны сказалі, што ёсць некалькі сведкаў, якія пацвярджаюць, што гэтае інтэрв'ю было. Я ніякага пратакола не падпісваў, толькі тлумачальную, складзеную паводле маіх словаў", – распавёў прэс-службе ГА "БАЖ" Андрэй Мялешка.

Са словаў міліцыянтаў вынікала, што справа ўжо заведзеная і праз некалькі тыдняў будзе ў судзе.

Андрэя Мялешку сёлета ўжо двойчы штрафавалі за парушэнне арт. 22.9. ч.2 КаАП: першы раз – у чэрвені на 4 500 000 рублёў (30 базавых), другі – у кастрычніку на 5 250 000 рублёў (35 базавых). Нагодай былі артыкулы на сайце “Беларускага Радыё Рацыя” пра акцыю гродзенскіх лекараў “За здаровае сэрца” і пра стварэнне ў вобласці экалагічнага заказніка.

Ён выключае версію звядзення з ім "асабістых рахункаў" кімсьці з міліцыянтаў, бо кожны раз адміністрацыйныя справы заводзяць розныя ўпраўленні. Мялешка мяркуе, што гэта працяг паслядоўнага плану ціску на неакрэдытаваных журналістаў замежных СМІ.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international