У Магілёве прачыталі праваабарончыя лекцыі

2014 2014-09-29T14:49:17+0300 2014-09-29T15:27:42+0300 be http://spring96.org/files/images/sources/prava_na_movu_mahilou.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Лекцыя "Права на мову" ў Магілёве 27 верасня 2014 года.

Лекцыя "Права на мову" ў Магілёве 27 верасня 2014 года.

Адразу два праваабарончых мерапрыемствы былі праведзеныя Магілёўскім аддзяленьнем ПЦ "Вясна" ў Магілёве ў мінулую суботу, 27-га верасьня.

У магілёўскім "Тэхнапарку" мовазнаўца і грамадскі дзяяч Вінцук Вячорка выступіў з лекцыяй "Права на мову".

Ён даў агляд моўнай сітуацыі ў краіне і ў Магілёве, засяродзіўшыся на праблеме неабароненасці моўных правоў беларускамоўных грамадзянаў. Было разгледжаные заканадаўства, якое забяспечвае роўнасць беларускай мовы: законы аб мовах, аб дзяржаўнай службе, і інш. Таксама былі ўзнятыя праблемы судаводства па-беларуску, беларускамоўнай адукацыі ў Магілёве ды інш. Вядоўца адказаў на шматлікія пытанні прысутных, адбылася дыскусія аб тым, якія захады варта прадпрыянць магілёўцам дзеля выпраўлення крытычнай сітуацыі з беларускай мовай у абласным цэнтры. Арганізатары плануюць неўзабаве арганізаваць круглы стол па гэтай праблеме, на якім мусіць адбыцца абмеркаванне канкрэтных крокаў у гэтым кірунку.

У грамадскім цэнтры "Кола" прайшла лекцыя, прысвечаная асаблівасцям аграрных стасункаў у Беларусі.

У фокусе ўвагі лекцыі была тэма эпідэміі афрыканскай чумы свіней у Беларусі і звязаныя з гэтым праблемы, найперш грамадзянаў, што трымаюць хатнія падворкі. Вядоўца, эканаміст Пётр Мігурскі, распавёў пра сістэму аграрных стусункаў у Беларусі і падрабязна спыніўся на праблемах асабістых гаспадарак у сувязі з АЧС: стан ветэрынарнага абслугоўвання скаціны, праблемы страхавання свіней, выплата кампенсацый за знішчаную скаціну, і г.д. Сярод слухачоў лецыі былі ўласнікі хатніх гаспадарак з Асіповіцкага, Бялыніцкага, Круглянскага, Магілёўскага і Шклоўскага раёнаў, грамадскія актывісты, журналісты. Удзельнікі ў далейшым збіраюцца стварыць грамадскае аб'яднанне, якое будзе займацца вырашэннем вышэйпазначаных праблем.

 

"Магілёўская Вясна".

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international