ААН бачыць у парламенцкіх выбарах ва Украіне магчымы механізм прымірэння

2014 2014-09-09T16:26:00+0300 2014-09-10T16:28:28+0300 be http://spring96.org/files/images/sources/feltman.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Намеснік Генсакратара ААН Джэфры Фелтман

Намеснік Генсакратара ААН Джэфры Фелтман

Намеснік Генеральнага сакратара ААН па палітычных пытаннях Джэфры Фелтман выказаў надзею, што маючыя адбыцца парламенцкія выбары ва Украіне пройдуць па ўсёй краіне і стануць свайго роду механізмам аб'яднання і прымірэння, паведамляе Цэнтр навінаў ААН.

«Мы натхнёныя дасягнутай у пятніцу дамовай аб спыненні агню і спадзяемся на яго належнае поўнае ажыццяўленне. Мы вітаем ролю Арганізацыі па бяспецы і супрацоўніцтве ў Еўропе (АБСЕ) у дасягненні гэтага пагаднення», - заявіў Джэфры Фелтман, выступаючы ў штаб-кватэры АБСЕ ў Вене. Ён нагадаў, што Генеральны сакратар ААН заклікаў дзейнічаць «у інтарэсах трывалага міру, заснаванага на вырашэнні, якое забяспечыць поўную павагу тэрытарыяльнай цэласнасці і суверэнітэту Украіны».

«Не менш важна, каб усе людзі ва Украіне адчулі, што да іх прыслухоўваюцца і што іх законныя заклапочанасці бяруць усур'ёз. У гэтым кантэксце вельмі важны ўнутраны дыялог, як і тое, каб намечаныя на 26 кастрычніка выбары змаглі быць праведзены па ўсёй Украіне і сталі інструментам аб'яднання і прымірэння», - сказаў намеснік Генеральнага сакратара ААН па палітычных пытаннях.

Па словах Джэфры Фелтмана, крызіс ва Украіне сведчыць аб тым, што неабходна пераасэнсаваць архітэктуру еўрапейскай і міжнароднай бяспекі.

У сувязі з гэтым ён прыцягнуў увагу да сустрэчы па Украіне, якая будзе арганізавана Швейцарыяй на палях агульных дэбатаў Генеральнай Асамблеі ААН у канцы гэтага месяца. «Тэма сустрэчы«Украінскі крызіс, АБСЕ і будучыня еўрапейскай бяспекі»адлюстроўвае наша агульнае разуменне цяперашніх выклікаў і магчымага будучага супрацоўніцтва паміж ААН і АБСЕ», - заявіў намеснік Генеральнага сакратара.

Ён нагадаў аб «замарожаных канфліктах» у рэгіёне і заклікаў умацаваць партнёрства паміж ААН і АБСЕ па іх вырашэнні.

«На жаль, мы бачым усё больш выпадкаў«размарожвання»(канфліктаў) у іншых рэгіёнах зоны дзеяння АБСЕ: сітуацыя з бяспекай на паўднёвым Каўказе застаецца нестабільнай. Нядаўна мы назіралі рост напружанасці на мяжы паміж Арменіяй і Азербайджанам - найбольш востры за апошняе дзесяцігоддзе», - заявіў намеснік Генеральнага сакратара ААН. Ён нагадаў, што ААН «у поўнай меры падтрымлівае Мінскі мірны працэс АБСЕ па Нагорным Карабаху" і выказаў надзею, што ў бліжэйшыя месяцы перамовы па гэтым пытанні будуць паскораныя.

Джэфры Фелтман лічыць, што нядаўнія падзеі з'яўляюцца яркім напамінам пра тое, што «замарожаны» (канфлікт) не азначае «вырашаны» канфлікт. У сувязі з гэтым ён заклікаў знайсці шляхі актывізацыі міжнародных жэнеўскіх дыскусій.

Намеснік Генеральнага сакратара лічыць, што «размарожванне» канфліктаў з'яўляецца вынікам таго, што адрозненні ў інтэрпрэтацыі рэальнасці пасля халоднай вайны сталі цяпер праяўляцца больш рэзка, чым калі-небудзь раней пасля югаслаўскіх войнаў.

«Тыя з'явы, якія, зыходзячы з прынцыпу«канструктыўнай нявызначанасці», раней замоўчвалі альбо адсоўвалі на другі план у інтарэсах прагматызму і агульнай зацікаўленасці ў міры і стабільнасці, зараз усплылі на паверхню і сталі сур'ёзнай перашкодай для ўзгодненых дзеянняў у Савеце Бяспекі - і не толькі - у справе рашэння цяперашніх глабальных праблем», - сказаў Джэфры Фелтман.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international