Праваабаронцы выступілі за роўнасць і папярэджанне дыскрымінацыі

2014 2014-07-24T11:29:48+0300 2014-07-24T11:29:48+0300 be

РПГА “Беларускі Хельсінкскі Камітэт” і “Сетка за роўнасць і недыскрымінацыю ў Беларусі” правялі ў Мінску міжнародны круглы стол, прысвечаны абмеркаванню “Канцэпцыі антыдыскрымінацыйнага заканадаўства для Беларусі”. Больш як 20 праваабаронцаў, журналістаў і грамадскіх актывістаў узялі ўдзел у круглым стале.

Эксперт “Сеткі за роўнасць і недыскрымінацыю ў Беларусі” Наталля Кутузава прэзентавала сітуацыю з дыскрымінацыяй у Беларусі ў 2013–2014 г.г. Паводле вынікаў даследавання была адзначаная вялікая патрэба ў прыняцці адмысловых заканадаўчых актаў у Беларусі, якія б маглі быць эфектыўнай прыладай для прадухілення і рэагавання на праявы прамой і ўскоснай дыскрымінацыі ў дачыненні да прадстаўнікоў пэўных сацыяльных групаў.

Сярод іншага, даследаванне выявіла вялікую частотнасць ужывання мовы нянавісці ў беларускіх СМІ ў дачыненні прадстаўнікоў ЛГБТ супольнасці і людзей з абмежаванымі фізічнымі магчымасцямі.

Эксперты-праваабаронцы з Вялікабрытаніі, Эстоніі ды Украіны распавялі пра досвед прыняцця і прымянення антыдыскрымінацыйнага заканадаўства ў сваіх краінах. Адбылася дыскусія пра яго тэрміналогію, механізмы і органы абароны ад дыскрымінацыі, а таксама пра магчымасці застасавання наяўнага замежнага досведу ў беларускіх умовах.

Асаблівая ўвага падчас круглага стала была нададзеная неабходнасці выпрацоўкі дакладнай матывацыйнай базы для прыняцця антыдыскрымінацыйнага заканадаўства для правядзення агульнанацыянальнага дыялогу з удзелам прадстаўнікоў улады і грамадзянскай супольнасці.

Праваабаронцы звярнуліся з заклікам да беларускіх журналістаў паспрыяць адвакацыі антыдыскрымінацыйнага заканадаўства ў Беларусі дзеля таго, каб беларускае грамадства сталася больш абароненым ад праяваў варожасці і прыніжэння ў дачыненні да кожнага канкрэтнага грамадзяніна краіны.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international