Віншаванні да гадавіны прыняцця Дэкларацыі аб суверэнітэце даслалі палітвязням з Бялыніцкага раёна

2014 2014-07-21T12:56:42+0300 2014-07-21T12:56:42+0300 be http://spring96.org/files/images/sources/bialynic-palit-27lip.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

21 ліпеня грамадскія актывісты Бялыніцкага раёна напісалі і даслалі віншавальныя паштоўкі да гадавіны прыняцця Дэкларацыі аб суверэнітэце 27 ліпеня ўсім беларускім палітвязням.

У паштоўках актывісты жадалі палітвязням здароўя, мужнасці і цярпення, а таксама выказвалі спадзяванне на тое, што Беларусь ужо ў хуткім часе стане сапраўды незалежнай квітнеючай краінай з дэмакратычнымі традыцыямі.

Неабходна адзначыць, што большасць беларускіх палітвязняў – пяць чалавек – адбываюць сваё пакаранне менавіта на тэрыторыі Магілёўскай вобласці. Бялыніцкія актывісты імкнуцца аказваць палітвязням пастаянную падтрымку, дасылаючы ім лісты і паштоўкі з пажаданнямі дабра і надзеі на лепшую будучыню.

З 1991-га па 1996 год галоўнае нацыянальнае свята нашай краіны — Дзень Незалежнасці — адзначалася менавіта 27 ліпеня. 27 ліпеня 1990 года Вярхоўны Савет Беларускай Савецкай Сацыялістычнай Рэспублікі прыняў Дэкларацыю аб дзяржаўным суверэнітэце. Яна абвясціла поўны дзяржаўны суверэнітэт БССР як вяршэнства, самастойнасць і паўнату дзяржаўнай улады рэспублікі ў межах яе тэрыторыі, правамоцнасць яе законаў і незалежнасць знешніх адносін.

25 жніўня 1991 года Дэкларацыя атрымала статус канстытуцыйнага закона, на падставе якога былі ўнесеныя змены і дапаўненні ў Канстытуцыю БССР 1978 года.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international