Тамара Сяргей: чарговы выклік у Генпракуратуру — сродак запужвання

2014 2014-07-09T12:44:35+0300 2014-07-09T12:44:35+0300 be http://spring96.org/files/images/sources/siargej_tamara.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Тамара Сяргей

Тамара Сяргей

8 ліпеня праваабаронцу Тамару Сяргей у чарговы раз выклікалі ў Генеральную пракуратуру да намесніка начальніка аддзелу за выконваннем правоў і свабодаў грамадзянаў Паўла Елісеева.

Ён пацікавіўся, ці зарэгістравалася Грамадзянская ініцыятыва супраць беззаконня ў судах і пракуратуры, а таксама тым, у якія дзяржаўныя структуры апошнім часам звярталіся сябры ініцыятывы. Затым Павел Елісееў нагадаў, што 23 красавіка мінулага году Генпракуратуратура вынесла Тамары Сяргей афіцыйнае папярэджанне аб крымінальнай адказнасці згодна артыкулу 193-1 Крымінальнага кодэксу Рэспублікі Беларусь за арганізацыю дзейнасці незарэгістраванага грамадскага аб’яднання.

Праваабаронца перадала Паўлу Елісееву свае пісьмовыя тлумачэнні і адмовілася падпісваць пратакол размовы. У сваіх пісьмовых тлумачэннях Тамара Сяргей, між іншым, звярнула ўвагу на тое, што права звяртацца да чыноўніцтва, у тым ліку калектыўна, забяспечана Канстытуцыяй Рэспублікі Беларусь.

 Праваабаронца нагадала, што згодна артыкулу 58 асноўнага закону краіны, ніхто не можа быць прымушаны да выканання абавязкаў, якія не прадугледжаны Канстытуцыяй Рэспублікі Беларусь і яе законамі, ці да адмаўлення ад сваіх правоў.

Жанчына падкрэсліла, што, згодна артыкулу 59 Канстытуцыі Рэспублікі Беларусь, дзяржава абавязана прымаць усе даступныя ёй меры дзеля стварэння ўнутранага і міжнароднага парадку, неабходнага для поўнага ажыццяўлення правоў і свабодаў грамадзянаў Рэспублікі Беларусь, прадугледжаных асноўным законам краіны; дзяржаўныя органы і чынавенства абавязаны прымаць неабходныя меры для ажыццяўлення і абароны правоў і свабодаў асобы, а таксама нясуць адказнасць за дзеянні, які парушаюць гэтыя правы і свабоды.  

Тамара Сяргей лічыць чарговы выклік у Генпракуратуру актам запужвання, які павінен прымусіць яе адмовіцца ад сваіх канстытуцыйных правоў і свабодаў. Такім чынам, Генпракуратура, якая павінна забяспечваць выкананне заканадаўства,  выкарыстоўваецца дзяржавай для запалохвання грамадзянаў, зазначыла Тамара Сяргей. 

"Новы Час"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international