Адбылася прэсавая канфэрэнцыя з вызваленым публіцыстам, былым лідэрам Маладога фронту Паўлам Севярынцам

2007 2007-05-24T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

23 траўня старшыня Партыі БНФ Вінцук Вячорка прывітаў Паўла Севярынца на волі і ўручыў яму прэмію Партыі БНФ у намінацыі "Грамадзкая чыннасьць", ляўрэатам якой Павал нядаўна стаў.

"Два гады майго знаходжаньня ў вёсцы Малое Сітна не прайшлі для мяне дарэмна, - сказаў Павал Севярынец. - Я пабачыў сапраўдную Беларусь у вачах тых людзей, побач зь якімі там жыў. Я атрымаў 1480 лістоў ад людзей з розных куткоў Беларусі, наведаць якіх я зьбіраюся бліжэйшым часам. Каля 500 чалавек прыязджалі да мяне цягам майго знаходжаньня ў вёсцы Малое Сітна".

Афіцыйна Паўла Севярынца вызвалілі "за ўзорныя паводзіны". "Насамрэч, маё вызваленьне - гэта яшчэ адна праява прыкрай зьявы гандлю людзьмі, - заявіў Павал Севярынец на прэс-канфэрэнцыі, - рэжым вымушаны весьці перамовы з Захадам. У гэтых умовах ён мусіў вызваліць і мяне, і Мікалая Статкевіча".

Павал Севярынец падзяліўся сваімі плянамі на бліжэйшы час. Ён зьбіраецца актыўна займацца палітыкай у рамках кампаніі "За свабоду", дапамагаць Маладому фронту, які зараз знаходзіцца пад перасьледам, стварае адукацыйную ініцыятыву "Нацыянальнае абуджэньне", піша раман пра Беларусь.

"Мы рады вітаць Паўла Севярынца на волі, - кажа намесьнік старшыні Партыі БНФ Аляксей Янукевіч. - Ён сапраўды мужна прыняў выклік лёсу, не скарыўся й наадварот у месцы сваёй высылкі працягваў займацца тым, чым ён займаўся ўсё жыцьцё, - служэньнем беларускай справе, беларускаму Адраджэньню. Я перакананы, што вызваленьне Паўла станецца добрым падмацаваньнем нацыянальна-вызваленчым сілам, якія ёсьць авангардам барацьбы за незалежную Беларусь. Вызваліўшы Севярынца, рэжым Лукашэнкі наблізіў свой канец".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international