Улады Беларусі высылаюць з краіны яшчэ аднаго замежнага святара

2007 2007-05-16T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

8 траўня сябру Царквы хрысціян веры евангельскай, грамадзяніну Рэспублікі Польшча Яраславу Лукасіку Аддзелам унутраных спраў Мядзельскага райвыканкама быў ануляваны дазвол на пастаяннае пражыванне ў Рэспубліцы Беларусь, а таксама загадана ў месячны тэрмін пакінуць тэрыторыю Беларусі. Прычынай такога рашэння нібыта з`яўляецца “дзейнасць, накіраваная на прычыненне шкоды нацыянальнай бяспецы Рэспублікі Беларусь у сферы міжканфесійных стасункаў”.

Як паведамляе інфармацыйны цэнтр “Евангельская Беларусь”, Яраслаў Лукасік і яго жонка, грамадзянка Рэспублікі Беларусь Наталля Лукасік, маюць траіх дзяцей. Такія дзеянні ўлад разбіваюць шматдзетную сям`ю або змушаюць яе пакінуць нашу краіну.

Наталля Лукасік выступіла сёння з адкрытым зваротам у Дэпартамент па грамадзянстве і міграцыі МУС Рэспублікі Беларусь і ў Адміністрацыю Прэзідэнта Рэспублікі Беларусь, у якім патрабуе адмяніць рашэнне аб ануляванні дазволу на пастаяннае пражыванне свайму мужу і не разбіваць сям`ю.

“Я перакананая, што шчаслівыя моцныя сем`і – гэта падмурак грамадства. Я веру, што сям`я павінна быць асноўнай каштоўнасцю грамадства. Дзяржава павінна клапаціцца пра сям`ю, а не разбіваць яе. Я выступаю супраць беззаконня. Нічым не абгрунтаванае рашэнне або разбівае нашу сям`ю, або змушае ўсіх нас пакінуць Радзіму. Цяпер ствараецца ўражанне, што мы патрапілі ў мінулае. 70 гадоў таму на падставе інфармацыі з НКВД вырашаўся лёс людзей. Няўжо за гэтыя гады нічога не змянілася? Няўжо і цяпер, без суду і следства, могуць выносіцца лёсавызначальныя рашэнні?” – гаворыцца ў звароце.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international