Мітынг супраць адмены ільготаў плянуецца ў Гомелі

2007 2007-05-14T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Гомельскі гарвыканкам пададзена заяўка на правядзеньне мітынгу супраць адмены ільготаў розным катэгорыям насельніцтва. Паводле задумы арганізатараў, мерапрыемства мае адбыцца 20 траўня а 15-й гадзіне ля Палацу глуханямых.

Ініцыятарам правядзеньня акцыі зьяўляецца грамадзкі актывіст Пётар Кузьняцоў. Дата мітынга была абраная невыпадкова, бо ў гэты ж дзень у Менску заплянаванае правядзеньне аналягічнае акцыі. Мяркуецца, што мерапрыемства ў Гомелі пройдзе пад лёзунгам “Не – адмене ільготаў”. Арганізатары сустрэчы паведамляюць, што падчас мерапрыемства гараджане змогуць пачуць меркаваньні вядомых у Гомелі палітыкаў і грамадзкіх дзеячаў. “Мэтавай групай зьяўляецца студэнцкая моладзь, якая наўпорст пацерпіць ад адмены ільготаў на праезд”, - адзначае Пётар Кузьняцоў.

Нагадаем, адначасова ў Гомелі праходзяць і іншыя мерапрыемствы па гэтай праблеме. Так, цяпер моладзь горада зьбірае подпісы супраць законапраекта пра скасаваньне ільготаў. На гэты момант колькасьць падпісантаў складае больш за 300 чалавек, паведамляе “Гарт”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international