У Нясьвіжы разгараецца канфлікт паміж райвыканкамам і каталіцкай парафіяй

2007 2007-05-03T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як паведамілі Радыё Свабодзе мясцовыя парафіяне, спрэчка ўзьнікла з-за будынку XVIII стагодзьдзя, які да 1939 году належаў каталіцкай царкве, — там жылі ксяндзы.

Пасьля таго, як савецкая ўлада канфіскавала будынак, былой плябаніяй распараджаўся райвыканкам. Да 2004 году там мясьцілася раённая друкарня.

Спусьцелы будынак улады паабяцалі вярнуць парафіі. Аднак сёлета новае кіраўніцтва райвыканкаму адмовілася ад абяцаньняў і вырашыла выставіць дом ксяндза на продаж.

Абураныя такой ініцыятывай, нясьвіскія вернікі пагражаюць перашкаджаць наведваньню афіцыйнымі дэлегацыямі мясцовага касьцёлу — помніка архітэктуры XVI стагодзьдзя.

2 траўня маюць прайсьці перамовы сяброў касьцельнага камітэту й прадстаўнікоў райвыканкаму — будзе зробленая спроба залагодзіць канфлікт.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international