Бабруйск: Дзень інвалідаў -- у непрыступным для вазочнікаў будынку (фота)

2013 2013-11-30T10:26:51+0300 2013-11-30T10:26:51+0300 be http://spring96.org/files/images/sources/babr-palac-mast-inval-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Дабрачынны канцэрт, які плануецца ў Бабруйску 3 снежня да Міжнароднага дня інвалідаў, зноў пройдзе ў Палацы мастацтваў. Між тым, гэты будынак – сапраўдная непрыступная крэпасць для вазочнікаў. Ім трэба пераадолець шэраг прыступак, каб дабрацца да ўваходу, яшчэ прыступкі – каб патрапіць на другі паверх, дзе знаходзіцца глядацкая зала.  

Таму патрапіць на мерапрыемствы ў Палац мастацтваў вазочнікі могуць толькі з дапамогай валанцёра, нават маючы самыя сучасныя электравазкі.

Валанцёр мусіць на руках уцягнуць цябе спачатку праз гэтыя прыступкі ў будынак, а там яшчэ і на другі паверх. Таму мала хто з вазочнікаў адважваецца туды пайсці, - дзеліцца ўражаннямі ад мінулагодняга наведвання Палаца мастацтваў вазочніца Наталля Пінькоўская.

У гэтым годзе арганізатары паабяцалі, што дабрачынны канцэрт і выстава пройдуць на першым паверсе Палаца мастацтваў. То бок, валанцёрам давядзецца пранесці вазочнікаў на руках праз прыступкі на ўдвая меншую адлегласць. Але ўсё ж давядзецца.

Сацыяльны цэнтр Першамайскага раёна забяспечыць нас валанцёрамі, таму я змагу патрапіць на дабрачынны кацэрт, - кажа Наталля Пінькоўская. - Але вось мая сяброўка з Ленінскага раёна наўрад ці зможа яго наведаць, ёй параілі самой шукаць валанцёра, бо ў іх саццэнтры валанцёры “не прадугледжаныя”. Атрымліваецца, гэта свята толькі для інвалідаў, якія могуць хадзіць. То можа вазочнікаў і зусім выключыць з сацыяльных цэнтраў, бо з імі надта шмат праблем? Прадстаўнікі гэтых служб больш любяць расказваць пра сваю працу з “хадзячымі”, колькі святаў для іх правялі, колькі паездак зладзілі…  

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international