Шклоўскі райсавет распачаў падрыхтоўку да мясцовых выбараў

2013 2013-11-21T21:03:35+0300 2013-11-21T21:03:35+0300 be http://spring96.org/files/images/sources/deputatckae_kresla.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У панядзелак, 18 лістапада, у Шклове адбылося пасяджэнне 28-й сесіі Шклоўскага раённага Савета дэпутатаў. Як паведамляе раённая газета “Ударны фронт” (№90 ад 20 лістапада), у шэрагу іншых на сесіі дэпутаты разгледзелі і пытанне аб устанаўленні колькасці выбарчых акругаў па выбарах дэпутатаў у Шклоўскі раённы Савет 27-га склікання.

Дэпутаты заслухалі інфармацыю аб устанаўленні колькасці выбарчых акруг і сярэдняй колькасці выбаршчыкаў на выбарчую акругу на маючых адбыцца выбарах у раённы Савет, якую прадставіла начальнік арганізацыйна-кадравага аддзела Шклоўскага райвыканкама Алена Пекерт. У адпаведнасці з артыкулам 15 Выбарчага кодэкса Рэспублікі Беларусь, дэпутаты прынялі рашэнне аб усталяванні 35 выбарчых акруг па выбарах дэпутатаў у Шклоўскі раённы Савет 27-га склікання з сярэдняй колькасцю 673 выбаршчыкі на выбарчую акругу.

Неабходна адзначыць, што на маючых адбыцца выбарах у Шклоўскі раённы Савет колькасць выбарчых акруг скарацілася на пяць у параўнанні з мінулымі мясцовымі выбарамі 2010 года. Тады ў Шклоўскім раёне было абрана 40 дэпутатаў раённага Савета.

Таксама на сесіі Шклоўскі раённы Савет дэпутатаў вырашыў унесці прапанову ў Магілёўскі абласны Савет дэпутатаў аб скасаванні Старасельскага, Заходскага і Чарнаруцкага сельсаветаў, змене межаў горада Шклова, уключыўшы ў яго склад населены пункт Вялікае Зарэчча, перайменаванні Камена-Лаўскага сельсавета ў Каменалаўскі, а Рыжкавіцкага – у Старашклоўскі.

Калі Магілёўскі абласны Савет зацвердзіць прапановы дэпутатаў Шклоўскага раённага Савета, у Шклоўскім раёне застанецца восем сельскіх Саветаў замест адзінаццаці, якія існуюць зараз.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international