Канстытуцыйны суд Беларусі прапанаваў парламенту ўдакладніць артыкулы Крымінальнага кодэксу, датычныя зьнявагі гонару і годнасьці прэзідэнта і іншых службовых асобаў.

2003 2003-09-04T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра гэта БелаПАН паведамілі ў прэс-службе суда.
Нагодай дзеля разгляду гэтага пытаньня стаў зварот Беларускай асацыяцыі журналістаў, у якім Канстытуцыйнаму суду прапаноўвалася даць заключэньне аб адпаведнасьці Канстытуцыі артыкулаў 367 (паклёп у адносінах да прэзідэнта Рэспублікі Беларусь), 368 (зьнявага гонару і годнасьці прэзідэнта) і 369 (зьнявага прадстаўніка ўлады) Крымінальнага кодэксу Рэспублікі Беларусь.
Нагадаем, што за апошнія два гады па гэтых артыкулах былі асуджаныя некалькі чалавек, у тым ліку і трое журналістаў – Мікола Маркевіч, Павел Мажэйка і Віктар Івашкевіч.

Па меркаваньні Канстытуцыйнага суда, узьнятае БАЖ пытаньне адносіцца ў большай ступені да праблемы “правільнага ўстанаўленьня на практыцы прыкмет злачынства”.

У сувязі з гэтым Канстытуцыйны суд рэкамендаваў унесьці ў Крымінальны кодэкс дапаўненьні, каб “крытычныя заўвагі, зробленыя на адрас прадстаўніка ўлады, не зьвязаныя з распаўсюджаньнем ілжывых, ганьбячых яго домыслаў, альбо з наўмысным прыніжэньнем гонару і годнасьці, выражаным у непрыстойнай форме, не маглі разглядацца як злачынства”.

Адпаведны ліст ужо накіраваны ў Нацыянальны сход Беларусі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international