Пратаколы, складзеныя на праваабаронцаў Таццяну Рэвяка і Уладзіміра Лабковіча, адпраўленыя на дапрацоўку

2013 2013-08-05T17:28:00+0300 1970-01-01T03:00:00+0300 be http://spring96.org/files/images/sources/05-08-akcyja1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Таццяна Рэвяка раздае паштоўкі, фота "Нашай нівы"

Таццяна Рэвяка раздае паштоўкі, фота "Нашай нівы"

Учора мінула два гады з моманту арышту Алеся Бяляцкага. Па ўсёй краіне прайшлі акцыі салідарнасці. Таксама пікеты, круглыя сталы і абмеркаванні з нагоды Міжнароднага дня салідарнасці з грамадзянскай супольнасцю і праваабарончым рухам Беларусі адбыліся за мяжой - у Кіеве, Вільні, Варшаве, Маскве ды іншых гарадах.

А сёння акцыя прайшла ў Мінску. У 12 гадзін каля ЦУМ праваабаронцы і грамадскія актывісты раздавалі паштоўкі з выявай старшыні ПЦ "Вясна".

У 12.20 супрацоўнікамі міліцыі былі затрыманыя праваабаронцы Таццяна Рэвяка і Уладзь Лабковіч, іх завялі ў Савецкі РАУС. Аформілі пратаколы па арт. 23.34 КаАП РБ (парушэнне парадку арганізацыі і правядзеньне масавых мерапрыемстваў) і забралі мабільныя тэлефоны.

Верагодна, што сёння ж у 16 гадзінаў адбудзецца суд над затрыманымі. Разгляд справы пройдзе ў судзе Савецкага раёна па адрасе: г.Мінск, Лагойскі тракт 3, тэл. 280-81-47, 280-81-46, 280-83-40.

Таццяну Рэвяка і Уладзіміра Лабковіча прывезлі ў суд Савецкага раёна. Іх вінавацяць у парушэнні арт. 23.34. КаАП РБ. Суддзі: справу Рэвякі разглядае Марына Фёдарава, Лабковіча - Дзмітрый Паўлючэнка.

16-40. Суддзя Паўлючэнка ў дарадчым пакоі, рыхтуецца вынесці прысуд Уладзіміру Лабковічу.

16-50. Пратакол пра адміністрацыйнае правапарушэнне ў дачыненні да Тацяны Рэвяка адпраўлены на дапрацоўку, паколькі мае памылкі.

16-55. Тацяна Рэвяка пакінула памяшканне суду

17-00. Пратакол у дачыненні да Уладзіміра Лабковіча ў сувязі з працэсуальнымі заганамі таксама адпраўлены на дапрацоўку. У супрацоўнікаў міліцыі ёсць месяц каб выправіць хібы ў пратаколах правапарушэнняў.

Позна ўвечары супрацоўнікі міліцыі патэлефанавалі Уладзіміру Лабковічу і запрасілі ў Савецкі РУУС на 6 жніўня.


Уладзь Лабковіч на акцыі, фота "Радыё Свабода"
Наста Лойка  раздае паштоўкі, фота "Нашай нівы"
Сяржук Семянюк  раздае паштоўкі, фота "Нашай нівы"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international