Гарадзенскія прадпрымальнікі правялі страйк

2013 2013-06-17T10:41:45+0300 1970-01-01T03:00:00+0300 be http://spring96.org/files/images/sources/rynak1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

   16 чэрвеня, у нядзелю, прадпрымальнікі найбольшых гарадзенскіх рэчавых рынкаў “Скідзельскі” і “Паўднёвы” страйкавалі і не выйшлі на працу. Размова ідзе найперш пра прадаўцоў вопраткі. Страйк доўжыўся пакуль толькі адзін дзень і меў папераджальны характар. У аўторак гандляры збіраюцца выйсці на працу, але будуць чакаць адказу на свае патрабаванні, якія ўжо перададзены ўладам, да 24 чэрвеня.

   Верагодна, што з ліпеня забастуюць многія “рыначнікі” гораду над Нёманам. Прычына – заканадаўчыя новаўводзіны, паводле якіх уся прадукцыя (амаль кожная рэч асобна), якой гандлююць індывідуальныя прадпрымальнікі, павінна сертыфікавацца. Гэта адбываецца на фоне таго, што практычна ўсе прадпрымальнікі павінны ўвесці касавыя апараты, у тым ліку прадаўцы бытавой хіміі і аўтазапчастак. Усё гэта зыходзіць з тэхнічнага рэгламенту адзінага Мытнага саюза “Аб бяспецы прадукцыі лёгкай прамысловасці”, які прадугледжвае дакументальнае пацвярджэнне якасці тавараў. Зараз патрэбна пацвярджаць гэта нават для тавараў з Расіі, нягледзячы на адзіную мытную прастору з гэтай краінай.

   Кажа прадпрымальнік Віталь Р.: “Мяркую, што прычына чарговага “даення” прадпрымальнікаў – гаспадарчы крызіс у дзяржаве. Улада прывыкла вырашаць эканамічныя праблемы нашым коштам, з кожным годам рабіць дробны бізнес у нас становіцца ўсё цяжэй і цяжэй. Праз тэлевізар мы чуем як у Беларусі квітнее эканоміка, а на нашай шыі ўсё мацней зацягваюць “пятлю”.  

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international