Беларус-эколаг, якога не пусцілі ў Літву, выйграў справу ў віленскім судзе

2013 2013-02-25T11:35:53+0300 1970-01-01T03:00:00+0300 be http://spring96.org/files/images/sources/ulasevichmikola.jpg
Грамадска-палітычны актывіст Мікалай Уласевіч

Грамадска-палітычны актывіст Мікалай Уласевіч

У панядзелак Віленскі акруговы адміністрацыйны суд ануляваў рашэнне Дэпартамента міграцыі, якія забараніў уезд у Літву грамадзяніну Беларусі Мікалаю Уласевічу -- актывісту руху супраць АЭС.

Суд не знайшоў пацверджання таго, што Уласевіч можа прадстаўляць пагрозу дзяржаўнай бяспецы ці грамадскаму парадку.

Уласевіч быў запрошаны прыняць удзел у дыскусіі аб ядзернай энергетыцы, якая праходзіла 23 верасня ў Вільні, у парламенце. Аднак літоўскія памежнікі не пусцілі Уласевіча, калі ён збіраўся перасекчы мяжу.

Літоўскія службовыя асобы афіцыйна не каментуюць матываў, па якіх забаранілі яму ўезд у Літву.

Сам Уласевіч не ўдзельнічаў у пасяджэнні суда ў панядзелак, але яго адвакат сказаў, што задаволены рашэннем суда.

Суд прысудзіў на карысць Уласевіча 100 літаў (3 млн 300 тыс.) выдаткаў на судовае разбіральніцтва, адзначае Delfi.lt.

Апошнія навіны

Партнёрства

Сяброўства