Чэмпіёны грамадзянскай супольнасці: Анджэй Пачобут і Валер Булгакаў

2013 2013-02-02T10:36:47+0300 1970-01-01T03:00:00+0300 be

Асамблея няўрадавых арганізацый правяла штогадовую цырымонію ўзнагароджання выдатных прадстаўнікоў і арганізацый грамадзянскай супольнасці Беларусі "Чэмпіёны грамадзянскай супольнасці".

У намінацыі "Грамадскі лідар" гэтым разам перамаглі дзве асобы - журналіст і блогер Анджэй Пачобут і даследчык, былы галоўны рэдактар часопіса ARCHE Валер Булгакаў.

Пра сёлетнюю прэмію распавядае кіраўнік працоўнай групы Асамблеі НДА Сяргей Мацкевіч:

- Вельмі шмат падзеяў, якія хацелася б адзначыць. У журы нашага конкурса мы запрашалі 69 экспертаў, гэта сябры Рабочай групы і пераможцы мінулых гадоў. Адгукнулася 50 чалавек. І вось маем вынікі галасавання 50 экспертаў грамадзянскай супольнасці пра сваіх калегаў.

Праваабарончы цэнтр "Вясна" зноў фігураваў у спісе намінантаў. Калі на мінулай цырымоніі кіраўнік цэнтру Алесь Бяляцкі стаў грамадскім лідарам году, то зараз лаўрэатам стаў адабраны ўладамі офіс "Вясны" - у намінацыі "Месца году".

Кажа паплечніца Бяляцкага Таццяна Равяка:

- У гэтым годзе зноў-такі атрымліваецца, што не пазітыўныя, а сумныя нагоды становяцца адзначэннем нашай дзейнасці – і Алеся, і “Месца года” – праваабарончы цэнтр “Вясна”, той офіс, які мы згубілі ў мінулым годзе. Я думаю, што гэта, відаць, акцэнтацыя ўвагі да тых праблемах, якія мы ўжо маем, але якія могуць быць патэнцыйна ў кожнага суб’екта, які на сённяшні дзень актыўна дзейнічае ў сферы грамадзянскай супольнасці.

Прэміі ўручаныя ў 8 намінацыях. Акрамя ўзгаданых, былі адзначаныя "Кампанія года", "Рэгіянальная падзея/акцыя года", "Крэатыў года", "Рэгістрацыя года", "Адмова года", "Новая ініцыятыва".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international