Жыхары Першамайскага раёна Мінска пратэстуюць супраць ушчыльнення забудовы на Сядых і Каліноўскага

2012 2012-12-18T11:54:48+0300 1970-01-01T03:00:00+0300 be http://spring96.org/files/images/sources/minski-rajon-mapa.jpg

 Пра гэта паведаміў старшыня аргкамітэта па стварэнні грамадскай арганізацыі «Еўрапейская перспектыва» Віктар Янчурэвіч.

Паводле яго слоў, 15 снежня «Еўрапейская перспектыва» правяла сход жыхароў вуліц Сядых і Каліноўскага, у якім узялі ўдзел больш як 60 чалавек. Галоўнае пытанне: як засцерагчы ўнутрыдваравую зялёную зону ад чарговага ўшчыльнення16-павярховым домам, праект якога выстаўлены на грамадскае абмеркаванне ў адміністрацыі Першамайскага раёна.

«Грамадзяне лічаць, што іх панэльныя пяціпавярхоўкі, пабудаваныя ў 60-х гадах, могуць не вытрымаць нагрузак ад працы будаўнічай тэхнікі і разваляцца, новы дом пагоршыць праблему з паркоўкамі і праездам па дварах, знішчэнне зялёнай зоны пагоршыць экалагічнае становішча», — адзначыў Янчурэвіч.

На сходзе жыхароў ён прапанаваў пачаць збор подпісаў пад калектыўным зваротам супраць ушчыльнення квартала і высечкі зялёнай зоны і накіраваць яго ў аддзел архітэктуры Першамайскага раёна для ўліку пры падвядзенні вынікаў грамадскага абмеркавання, а таксама ў Мінгарвыканкам і Адміністрацыю прэзідэнта для інфармавання аб пазіцыі жыхароў.

Прызначаны адказныя за збор подпісаў, вырашана сфарміраваць групу грамадзян для перадачы подпісаў у дзяржорганы.

«Жыхары настроены рашуча, гатовыя звяртацца і патрабаваць адмены праекта нават у Адміністрацыі прэзідэнта», — сказаў актывіст.

Паводле слоў Янчурэвіча, «гэта не першая спроба знішчыць зялёную зону пад будаўніцтва». «Два гады таму ўжо была падобная сітуацыя. І грамадзяне ўжо тады выказалі сваё стаўленне: яны хочуць захаваць свой сквер. Навошта ж ствараць канфлікт? Навошта даводзіць сітуацыю да сацыяльнай напружання? Будзем змагацца, каб гэтае грамадскае абмеркаванне для мясцовых жыхароў было станоўчым і стала апошнім», — сказаў грамадскі актывіст.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international