Міжнароднае грамадскае аб’яднанне “Згуртаванне беларусаў свету “Бацькаўшчына” падало сустрэчны пазоў да прадпрыемства “Мінская спадчына”, якое з’яўляецца арэндадаўцай памяшканняў для “Бацькаўшчыны”

2006 2006-12-06T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Аб гэтым паведаміла старшыня савета аб`яднання Алена Макоўская 5 снежня падчас дасудовага паседжання па пазове “Мінскай спадчыны” да “Бацькаўшчыны”.

“Мы падалі сустрэчны пазоў, паколькі лічым, што “Мінская спадчына” парушыла дамову арэнды. Мы б хацелі заключыць дадатковае пагадненне аб змене дамовы арэнды. Мы зараз не знаходзімся ў памяшканні, якое нам падавала “Мінская спадчына”, не карыстаемся гэтымі памяшканнямі, і, адпаведна, не павінны плаціць арэндную плату”, – сказала А.Макоўская ў інтэрв’ю БелаПАН.

Паводле пастановы Савета міністраў аб садзейнічанні аб`яднанню “Бацькаўшчына” і вылучэнні яму ў арэнду памяшкання тэрмінам на 25 год, арганізацыя з 1993 года размяшчала свой офіс у будынку сталіцы па вуліцы Рэвалюцыйнай, 15. Сёлета “Мінская спадчына” запатрабавала ад аб`яднання пакінуць будынак (што было зроблена 7 жніўня) у сувязі з рамонтам будынка і падала на “Бацькаўшчыну” судовы пазоў аб скасаванні дамовы арэнды. Скасаванне дзеючай дамовы арэнды цягне за сабою пазбаўленне аб`яднання юрыдычнага адрасу, што, у сваю чаргу, можа прывесці да анулявання юрыдычнай рэгістрацыі і крымінальнай адказнасці за дзейнасць ад імя незарэгістраванай арганізацыі.

Слуханні па сустрэчным пазове пакуль не прызначаныя. Слуханні па пазове “Мінскай спадчыны” да “Бацькаўшчыне” прызначаныя на 12 снежня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international