У чарговай "гранітаўскай" справе суд стаў на бок прадпрыемства

2012 2012-06-14T10:17:59+0300 1970-01-01T03:00:00+0300 be http://spring96.org/files/images/sources/karyshau.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Мікалай Карышаў

Мікалай Карышаў

Намесніку старшыні “гранітаўскай” суполкі незалежнага прафсаюза Мікалаю Карышаву не ўдалося адстаяць сваё права на працу ў судзе Лунінецкага раёна.

Па словах юрыста-праваабаронцы Уладзіміра Малея, які прадстаўляў інтарэсы Карышава ў судзе 12 чэрвеня, довады самога Карышава і чатырох сведкаў з яго боку не пераканалі суддзю Васіля Бельскага ў тым, што ён быў звольнены з парушэннямі. Юрыст нагадвае, што працоўны чыгуначнага цэху пагрузкі атрымаў два спагнанні за адну і тую ж правіннасць у адзін і той жа дзень, а прычынай усяму – невыкананне наймальнікам абавязкаў па тэхніцы бяспекі.

Але суд заняў пазіцыю наймальніка, і увогуле суддзя Васіль Бельскі паведаміў, што наймальнік мае права не падаўжаць працоўны кантракт з любой прычыны.

Трэба адзначыць, што гэты суддзя ўжо не ўпершыню вядзе “гранітаўскія” справы. Васіль Бельскі раней разглядаў скаргу лідара суполкі незалежнага прафсаюза на прадпрыемстве “Граніт”Алега Стахаевіча - і прыняў рашэнне на карысць прадпрыемства.

Мікалай Карышаў будзе падаваць касацыйную скаргу ў абласны суд, хоць нядаўняя практыка паказвае, што суды падтрымліваюць дзеянні адміністрацыі прадпрыемства, нягледзячы на абсурднасць абвінавачванняў на адрас працаўнікоў. Актывіст упэўнены, што і з ім распраўляюцца за жаданне самастойна і паўнавартасна бараніць свае правы ў межах суполкі незалежнага прафсаюза.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international