Бацькі палітвязня Мікалая Дзядка сустрэліся з Сары Эсайях

16 траўня недалёка ад Трокаў (Літва) бацькі палітвязня і студэнта ЕГУ Мікалая Дзядка, а таксама рэктар Еўрапейскага гуманітарнага ўніверсітэта Анатоль Міхайлаў і прэзідэнт моладзевай асацыяцыі StudAlliance Кірыл Атаманчык сустрэліся з еўрапарламентаром і экс-кандыдатам у прэзідэнты Фінляндыі Сары Эсайях.

Бацькі Міколы Дзядка паведамілі еўрапарламентару пра сучасную сітуацыі з Дзядком, а таксама іншымі беларускімі палітвязнямі. Былі абмеркаваныя і ўзгодненыя пазіцыі па далейшай працы ў накірунку вызвалення беларускіх палітвязняў і інфармавання жыхароў ЕС пра сітуацыю ў Беларусі.

Сары Эссайях, чалец Еўрапарламента ад Еўрапейскай Народнай партыі падтрымала еўрапейскую ініцыятыву і ўзяла шэфства над Мікалаем Дзядком.

Паводле studalliance.org