Беларускія ўлады працягваюць брутальнае зьнішчэньне Менску

2006 2006-09-20T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Па зьвестках "Нашай Нівы", па Калядах плянуецца знос старога будынку ля гатэлю «Беларусь», у якім месьціцца Дом дзіцячае творчасьці. Цягам бліжэйшых дзьвух гадоў на ягоным месцы й на тэрыторыі старасьвецкіх Старажоўскіх могілак на Пярэспе будзе пабудаваны расейскі бізнэс-цэнтар «Дом Масквы». Ініцятыва сыходзіць ад маскоўскага правадыра Лужкова. Пад ягоны пражэкт выдаткавана агулам 3 гэктары старажытнага менскага прадмесьця Пярэспа.

Праект гэтай спаруды ўжо прайшоў усе ўзгадненьні, цяпер вядуцца падрыхтоўчыя працы пад будоўлю. «Дом Масквы» мусіць стаць новым сымбалем Менску.

Акурат з гэтым месцам народнае паданьне лучыць Млын волата Мянеска, што стаяў колісь тут. Ад гэтага ўрочышча над рэчкай Пярэспай, на шляху Віленскім, паводле легэнды й пачаўся Менск. У XVIII стагодзьдзі тут узьніклі праваслаўныя Старажоўскія могілкі. У 1985-1986 іх часкткова зруйнавалі й разрабавалі. Цяпер гэты помнік археалёгіі, гісторыі й прыроды будзе зьнішчаны цалкам.

А з боку Траецкага прадмесьця будзе разбудавана вуліца Старавіленская. Тамака, на месцы старасьвецкіх кварталаў, вырасьце буйнейшы жыльлёвы комплекс з паркінгамі й бізнэс-цэнтрамі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international