Іван Шыла патрабуе закрыць Цэнтр ізаляцыі правапарушальнікаў у Мінску

2012 2012-03-15T21:59:35+0300 1970-01-01T03:00:00+0300 be

Актывіст міжнароднай маладзёжнай арганізацыі "Малады фронт" (Чэхія) Іван Шыла патрабуе закрыць Цэнтр ізаляцыі правапарушальнікаў (ЦІП) на вуліцы Акрэсціна ў Мінску да прывядзення яго ў адпаведнасць з патрабаваннямі заканадаўства.

Адпаведную заяву Шыла накіраваў 15 сакавіка ў пракуратуру Мінска, а таксама ў Рэспубліканскую санітарна-эпідэміялагічную станцыю МУС, паведаміла БелаПАН намеснік старшыні арганізацыі Анастасія Палажанка.

Шыла лічыць, што ўмовы ўтрымання ў ЦІП парушаюць артыкул 7 Міжнароднага пакта аб грамадзянскіх і палітычных правах "Забарона катаванняў ці жорсткага бесчалавечнага абыходжання ці пакарання, што зневажае чалавечую годнасць".

Актывіст заяўляе пра поўную адсутнасць мэблі ў камерах, "што парушае артыкул 25 правілаў унутранага распарадку"; нізкую тэмпературу і адсутнасць вентыляцыі; фактычную адсутнасць спальнага месца і пасцельнай бялізны; нездавальняючы санітарна-гігіенічны стан камеры, што зневажаюць чалавечую годнасць; недастатковае асвятленне; забарону прадуктовых перадач і недаванне пітной вады; адсутнасць належнай медыцынскай дапамогі.

Шыла патрабуе прызнаць умовы ўтрымання ў Цэнтры ізаляцыі правапарушальнікаў ГУУС Мінгарвыканкама жорсткімі, бесчалавечнымі, якія зневажаюць чалавечую годнасць, правесці праверку і закрыць установу да прывядзення яе ў адпаведнасць з патрабаваннямі заканадаўства.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international