Адвакат і жонка Статкевіча спрабуюць сустрэцца зь ім у турме

Адвакат Міколы Статкевіча і ягоная жонка Марына Адамовіч прыехалі сёньня ў Магілёў, каб паспрабаваць дабіцца сустрэчы з Статкевічам.
Прыблізна ў 11.20 яны ўвайшлі ў будынак Магілёўскай папраўчай установы «Турма № 4», куды Мікола Статкевіч быў этапаваны 14 студзеня з Шклоўскай калёніі № 17.

12 студзеня ў шклоўскай калёніі адбыўся суд над Мікалаем Статкевічам. Судзьдзя шклоўскага суду Віталь Волкаў задаволіў прадстаўленьне адміністрацыі калёніі аб пераводзе Мікалая Статкевіча на турэмны рэжым на тры гады як злоснага парушальніка рэжыму.

Былы кандыдат на прэзыдэнта Мікалай Статкевіч асуджаны на 6 гадоў зьняволеньня за арганізацыю ў Менску 19 сьнежня 2010 году акцыі пратэсту супраць фальшаваньня выбараў.