"Калі заб'еш невінаватага чалавека, потым гэтага не вярнуць"

2011 2011-11-28T17:20:13+0300 1970-01-01T03:00:00+0300 be http://spring96.org/files/images/sources/smertj-press.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёньня на офісе “Беларускага Хельсінкскага Камітэта” адбылася прэс-канферэнцыя па пытаньні крымінальнай справы аб тэракце 11 красавіка 2011 года ў Менску ў кантэксце праблемы смяротнага пакарання.

Прадстаўнікі кампаніі “Праваабаронцы супраць смяротнага пакарання” пазнаёмілі прысутных журналістаў з заявай, у якой яны патрабуюць не ўжываць смяротнага пакарання ў дачыненні Дзмітрыя Канавалава і Ўладзіслава Кавалёва.

На канферэнцыі выступіла маці аднаго з абвінавачаных па вышэйзгаданай крымінальнай справе Любоў Кавалёва. Яна зачытала свой зварот да ўсіх пацярпелых ад тэракту і родных загінулых. “І калі сёння хтосьці чагосьці яшчэ не разумее, што адбываецца навокал і гатовы патрабаваць яшчэ бязьвіннай крыві у дадатак да тых 15 бязьвінных ахвяраў, якія загінулі ў менскім метро, то я гатовая ахвяраваць сабой. Хай мяне расстраляюць замест двух невінаватых хлопцаў. Я ўжо дастаткова пажыла”,- цьвердзіцца ў звароце Любові Кавалёвай.

Таксама Любоў Кавалёва агучыла тэкст свайго адкрытага ліста да прэзідэнта Беларусі. “Я прашу толькі аб адным: не дайце пазбавіць жыцьця нашых сыноў, вінаватасьць якіх выклікае надта шмат сумневаў. Лепш цяпер прызнаць памылку, і можна яшчэ ўсё паправіць. Калі заб'еш невінаватага чалавека, потым гэтага не вярнуць. У нас няма права на памылку. У судовым памяшканьні засталося шмат нявысьветленых пытаньняў і ".незадаволеных хадайніцтваў, верагодна, вельмі важных для расследваньня гэтай гучнай і трагічнай справы”,-гаворыцца ў заяве Любові Кавалёвай.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international