Уладзімер Кацора – намесьнік старшыні Гомельскага гарадзкога аддзяленьня грамадзкага аб'яднаньня "Прававая ініцыятыва" – знаходзячыся пад арыштам, абвесьціў галадоўку

2006 2006-04-25T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Аб гэтым 24 красавіка belngo.info паведаміў сябра гомельскага Фонду імя Лява Сапегі Васіль Палякоў.

У.Кацора пачаў галадоўку 18 красавіка, калі быў зьмешчаны ў ізалятар часовага ўтрыманьня Упраўленьня ўнутраных справаў Гомельскай вобласьці (г. Гомель, на Міжгародняй вуліцы, 26). У заяве начальніку ізалятару ён напісаў, што лічыць свой арышт незаконным, і пачынае галадоўку на знак пратэсту. Супрацоўнікі ізалятару паказалі заяву сябрам Уладзімера падчас прыёму перадачы для арыштаванага.

У.Кацора рыхтаваў мітынг ў Гомелі да 20-годзьдзя аварыі на Чарнобыльскай АЭС. 18 красавіка яго затрымала міліцыя. Грамадзкага актывіста абвінавацілі ў тым, што ўлёткі з запрашэньнем на мітынг распаўсюджваліся да таго, як улады далі адказ на заяву аб правядзеньні масавага мерапрыемства. У судзе гэтага ж раёну суддзя Віталь Козыраў пастанавіў арыштаваць сп.Кацору на 10 сутак. А 20 красавіка выканкам Гомельскай вобласьці адмовіў у дазволе на правядзеньне мітынгу. Цяпер у Гомелі распаўсюджваюцца ўлёткі, у якіх тлумачыцца, што мітынг не адбудзецца з-за забароны ўладаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international