4 красавіка гарадзенскаму журналісту Міколу Маркевічу паставілі штамп у пашпарце, які дазваляе выезд за мяжу.

Але гэты дазвол ён атрымаў са спазьненьнем на дванаццаць дзён. Журналіст зьвязвае станоўчы вынік для сябе з тым, што пра адмову паставіць яму штамп у пашпарце паведамілі сродкі масавай інфармацыі, а сам ён напісаў скаргі ў Ленінскую раённую і ў абласную пракуратуры.

Мікола Маркевіч зьяўляецца адным з кіраўнікоў Радыё Рацыя, праца якога нядаўна адноўлена ў Польшчы.