БАЖ звярнуўся да міністра юстыцыі, міністра ўнутраных спраў і генеральнага пракурора

2010 2010-12-24T19:04:00+0200 1970-01-01T03:00:00+0300 be

«Супрацоўнікі праваахоўных органаў з прымяненнем гвалту перашкаджалі беларускім і замежным журналістам пры ажыццяўленні імі прафесійнай дзейнасці», — гаворыцца ў звароце, які арганізацыя накіравала 24 снежня. БАЖ пакрэслівае, што тым самым былі парушаныя правы журналістаў, прадугледжаныя арт. 34 закона «Аб СМІ» — у прыватнасці, права прысутнічаць на масавых мерапрыемствах, у месцах іншых грамадска значных падзеяў і перадаваць адтуль інфармацыю.

«На жаль, падзеі 19-20 снежня паказалі, што супрацоўнікі міліцыі не звярталі ўвагі на прафесійны статус журналістаў», — падкрэслівае БАЖ і пералічвае некаторыя імёны афіцыйна акрэдытаваных журналістаў замежных СМІ і беларускіх медыяў, што пацярпелі фізічна ці былі затрыманыя ў часе асвятлення вулічнай акцыі.

«Шматлікія парушэнні закону мелі месца і ў дачыненні да затрыманых журналістаў, а таксама пры правядзенні судовых разглядаў іх спраў», — гаворыцца ў пасланні. У прыватнасці, затрыманым не тлумачыліся іх правы, пра іх месцазнаходжанне не паведамлялася ні іх сваякам, ні на працу, немагчыма было даведацца, у якім судзе адбываюцца разгляды спраў аб адміністратыўных правапарушэннях і дзе асуджаныя адбываюць тэрмін адміністратыўнага арышту.

«Звяртаемся да Міністэрства ўнутраных спраў Рэспублікі Беларусь, Генеральнай пракуратуры Рэспублікі Беларусь і Міністэрства юстыцыі Рэспублікі Беларусь з заклікам зрабіць у рамках сваёй кампетэнцыі ўсе магчымыя захады для аднаўлення законнасці, высветліць вінаватых ў яе парушэнні і прыцягнуць іх да адказнасці», — гаворыцца ў лісце.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international